Աղմկահարույց ինչ-ինչ գործողություններով Ադրբեջանը փորձում է ստեղծել պատերազմի իմիտացիա. քաղաքագետ

Ադրբեջանը նպատակաուղղված գնում է անգամ  սեփական քաղաքացիների սպանությանը՝  բանակցային  սեղանին քաղաքական իրավիճակ փոխելու համար: «Արմենպրես»-ի հաղորդմամբ՝ լրագրողների հետ զրույցում նման համոզմունք հայտնեց քաղաքագետ ՀրանտՄելիք-Շահնազարյանը:

«ԵԱՀԿ Մինսկի խմբի  համանախագահների երեկվա հայտարարությունը կրկին ցույց  է տալիս, որ հստակ դատապարտում չկա Ադրբեջանի՝ խաղաղ բնակչությանը որպես վահան օգտագործելու մարտավարության եւ, ընդհանրապես, սահմանային իրավիճակը սրելու վերաբերյալ: Սա նշանակում է, որ առաջիկայում անվտանգության խնդիրներին առնչվող ցանկացած հարց դարձյալ մնում է Հայկական զինված  ուժերի ուսերին, քանի որ  դիվանագիտական զսպման որեւէ մեխանիզմ Ադրբեջանի հանդեպ չի աշխատում: Նրանք փորձում են այնպես անել, որ ապրիլյան ձախողումը չաշխատի որպես գործոն Ադրբեջանի դեմ, որպեսզի շրջանցելով այն՝ Ադրբեջանը փորձի բանակցային գործընթացը սկսել իր համար նախընտրելի կողմից»,- ասաց նա:

Քաղաքագետի դիտարկմամբ՝ թեպետ Ադրբեջանի կողմից ահաբեկչական խմբավորումներին զինելու մասին բուլղարական մամուլում տեղ գտած սկանդալային բացահայտումն էր սահմանային իրավիճակի հիմնական պատճառը, այնուամենայնիվ, պետք չէ անտեսել «Մեծ 20-յակ»-ի գագաթնաժողովը, ինչպես նաեւ Պուտին-Թրամփ հնարավոր հանդիպումը:   

«Ամեն դեպքում կարծում եմ, որ միջորդների  գնահատականներն, ըստ էության, առավել համապատասխանում են հայկական կողմի մոտեցումներին, իսկ Ադրբեջանին ոչինչ չի մնում, քան նման ահաբեկչական ճանապարհներով հարցեր լուծելու փորձեր անելն է»,-ասաց քաղաքագետը՝ հավելելով, որ լայնամասշտաբ ռազմական գործողությունների վերսկսում դեռեւս չի կանխատեսում, քանի որ Ադրբեջանը այն սանձազերծելու, առավել եւս հաջողության հասնելու համար որեւէ ռեսուրս չունի:

«Սա այն դեպքն է, երբ ցանկությունը եւ հնարավորությունները չեն համապատասխանում իրար,  այդ իսկ պատճառով նրանք փոխարինում են պատերազմը էմոցիոնալ կամ աղմկահարույց ինչ-որ գործողություններով, որը կստեղծի պատերազմի իմիտացիա»,-եզրափակեց Հրանտ Մելիք-Շահնազարյանը:

Ավելի վաղ ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) հայտարարություն էին տարածել հուլիսի 4-ին ղարաբաղա-ադրբեջանական շփման գծում իրադրության լարման վերաբերյալ: Հայտարարության մեջ համանախագահները նշել էին, որ «ստացել են տեղեկատվություն հուլիսի 4-ի ուշ երեկոյան Ֆիզուլիի շրջանի Ալխանլու գյուղի շրջանում բռնության վերսկսման մասին, որը պատճառ է դարձել մարդկային կորուստների, այդ թվում և քաղաքացիական բնակչության շրջանում»:

… Հուլիսի 4-ին Արցախի և Ադրբեջանի հակամարտ զորքերի շփման գծի տարբերհատվածներում հակառակորդը շարունակել էր խախտել հրադադարի պահպանմանռեժիմը: Մասնավորապես, ժամը 11:30-11:35-ի սահմաններում արևելյանուղղությամբ ադրբեջանական կողմը կիրառել էր 82-միլիմետրանոց ականանետ (4արկ), նույն հատվածում ժամը 12:45-12:55-ի սահմաններում՝ հաստոցավորհակատանկային նռնականետ (3 արկ), հարավային ուղղությամբ՝ ժամը 13:35-ին 60-միլիմետրանոց ականանետ (3 արկ), 19:10-ին՝ 60-միլիմետրանոց ականանետ (2արկ), իսկ 20:20-20:30-ի սահմաններում Ալխանլու գյուղում տեղակայվածռազմակայանից ադրբեջանական զինուժը ՏՌ-107 տիպի համազարկային հրթիռայինկայանքներից (5 արկ) կրակ էր բացել հարավային ուղղությամբ գործողզորամասերից մեկի հրամանատարական կետի ուղղությամբ՝ 20:48-ին կիրառելովնաև 82-միլիմետրանոց ականանետ (3 արկ): Հակառակորդի նախահարձակակտիվությունը ճնշելու համար ՊԲ առաջապահ զորամասերը ժամը 20:31-20:40-իսահմաններում ստիպված էին եղել ձեռնարկել պատասխան գործողություններ, ինչիարդյունքում վնաս էր հասցվել Ալխանլու գյուղում տեղակայված կրակակետին: ՊԲհամապատասխան ծառայությունների կողմից տրամադրված հավաստի տվյալներով,հակառակորդն ունեցել է մարդկային կորուստներ: Ադրբեջանական սադրիչգործողությունների արդյունքում ՊԲ-ն կորուստներ չի ունեցել:

Ադրբեջանական կողմը հայտարարել էր քաղաքացիական անձանց շրջանում երկուզոհի և մեկ վիրավորի մասին: