Օրվա բաղադրատոմսը. Կաթնաշոռով բուլկի «Վարդեր»

Բաղադրիչներ

Խմորի համար՝
կաթ – 250մլ
ձու – 2 հատ
շաքարավազ – 100գր
կարագ – 100գր
ալյուր – 600գր
վանիլին – 2գր
փխրեցուցիչ – 2թ/գդ
աղ – 1թ/գդ
Միջուկի համար՝
ձու – 1 հատ
կաթնաշոռ – 500գր
շաքարավազ – 100գր
չամիչ – 100գր
վանիլին – 2գր

Պատրաստման եղանակ

• Թրջում ենք չամիչը:
  Տաքացնում ենք կաթը, ավելացնում փխրեցուցիչը, շաքարավազի և ալյուրի կեսը, խառնում ենք և թողնում հանգստանա տաք վայրում 15 րոպե:
  
• Առանձին ամանի մեջ հալեցնում ենք կարագը, ավելացնում ձուն, շաքարավազի մյուս կեսը, վանիլինը, աղը, կաթային զանգվածը, ալյուրի մնացած մասը, խառնում ենք և հունցում խմոր, ապա թողնում ենք, որ խմորը հանգստանա 1 ժամ տաք վայրում:
  
• Միջուկի համար խառնում ենք կաթնաշոռը, չամիչը, վանիլինը ու ձուն:
  
• Խմորը բաժանում ենք 24 գնդի, յուաքանչյուր գունդ բացում ենք փոքրիկ լոշիկի տեսքով, վրան անում 3 կտրվածք այնպես, որ լոշիկը բաժանվի 3 ոչ հավասար մասերի:
  
• Լոշիկի մեջտեղում դնում ենք մեկ գդալ միջուկ, կտրված մասերից ամենափոքրը փաթաթում ենք միջուկի շուրջը և լավ ամրացնում ծայրը: Ապա կատարում ենք նույն բանը միջին մեծության մասի հետ: Վերջում փաթաթում ենք ամենամեծ մասը:
  
• Պատրաստի վարդերը դնում ենք տապակի վրա, երեսը քսում հարած ձու և թխում ջեռոցում 15-20 րոպե 180 աստիճանում:
  
• Եվ մեր համեղ կաթնաշոռով բուլկի “Վարդեր” պատրաստ են:
  

Մատուցելիս կաթնաշոռով բուլկի “Վարդեր”-ի վրա շաղ տվեք շաքարի փոշի և վայելեք այս բուլկիները մեկ բաժակ սուրճ լատեի հետ:

Աղբյուրը` Blog.1in.am