2017 թ. դրոնով արված լավագույն լուսանկարները. ներկայացնում է National Geographic-ը

ԼԱՅՖ 9 Հուլիս, 2017 0:48

Բոլոր լուսանկարիչները ամեն հնարավոր բան անում են, որպեսզի դրոններ երկինք բարձրացնելով հետաքրքիր լուսանկարներ ստանան:

National Geographic-ը տեղեկացնում է, որ այդ աշխատանքն ամփոփելու համար անց է կացվել չորրորդ միջազգային Dronestagram մրցույթը, որն իր շուրջ է համախմբել բազմաթիվ տաղանդավոր լուսանկարիչների:

«Մենք ապշած ենք այս տարվա մրցույթին մասնակցող լուսանկարների որակից, - ասում է Գիլում Ժարետը՝ Dronestagram-ի ղեկավարող տնօրենը, - Լուսանկարիչների տաղանդի մակարդակը աննկարագրելիորեն բարձրացել է, տեխնոլոգիաները նույնպես մեծ զարգացում են ապրել»:

Ամենահետաքրքիր հատվածը, ըստ Ժարետի, այն էր, երբ ժյուրին ցանկանում էր յուրաքանչյուր կատեգորիայում ավելի քան երեք լուսանկարի մրցանակ տալ: Արդյունքում մրցույթի կազմակերպիչները անսպասելի որոշում կայացրին երեք լուսանկար ևս մրցանակի արժանացնել նոր՝ «ստեղծարարություն» կատեգորիայում:

«Ես զարմացած էի՝ տեսնելով լուսանկարներում դրված ստեղծարարությունը, - ասում է Ջեֆ Հայմսաթը՝ մրցույթթի ժյուրիի անդամներից մեկը, - Ընտրության գործընթացն անասելի բարդ էր, քանի որ այս մրցույին մասնակցում էին դրոնով արված լավագույն լուսանկարները ողջ աշխարհից»:

Ստորև ներկայացված ֆոտոշարքում ներառված են երեք հաղթող և մեկ հավելյալ անվանակարգի լուսանկարները՝ Բնություն, Մարդիկ, Քաղաքային և Ստեղծարարություն:

Աշխարհի բոլոր անկյուններից հավաքված լուսանկարիչները շուրջ 8000 լուսանկար են ներկայացրել մրցույթին, որը հսկայական թիվ է: Նրանք միասին հիանում են դրոնով արված գեղեցիկ լուսանկարներով: Ժարետն ասում է. «Սա լուսանկարչական նոր լեզու է և նոր եղանակ է աշխարհը տեսնելու թռչնի աչքերով»: