5 համաշխարհային գլուխգործոցներ, որոնք անսպասելի սխալներ են պարունակում

Սխալվելը հատկանշական է բոլոր մարդկանց։ Նույնիսկ հանճարներն են սխալվում այնտեղ, որտեղ որ սխալն անթույլատրելի է։

BlogNews-ը նորովի է դիտարկել համաշխարհային գլուխգործոցները և դրանցում մի շարք սխալներ է գտել, որոնք շատ քչերն էին նկատել։

«Դավիթ»
Միքելանջելո Բուոնարոտի

Հրեա թագավորի այս արձանը կերտվել է կորարյան մարմարի ամբողջական կտորից։ Եվ չնայած նրան, որ Միքելանջելոն հայտնի է իր կենսաբանական ճշգրտությամբ, Դավթի արձանը փոքրիկ թերություն ունի. ողնաշարի և աջ թիակի միջև ընկած տարածքում բացակայում է մեկ կարևոր մկան։ Քանդակագործին չի հաջողվել ընդգծել այդ մկանը այդ հատվածում քարի դեֆեկտի պատճառով։

«9-րդ ալիքը»
Հովհաննես Այվազովսկի

Կտավում պատկերված են ալիքներ, որոնց վերևի հատվածը գոգնոցի ձև ունի։ Այս ալիքները նկարիչը տեսել է ափի մոտ և ենթադրել է, որ նմանատիպ ալիքներ կան ողջ ծովում։ Սակայն, իրականում, ափից հեռու գտնվող ալիքները կոնաձև են և նման չեն այն ալիքներին, որոնք պատկերել է Այվազովսկին։

«Մովսես մարգարե»
Միքելանջելո Բուոնարոտի

Բիբլիական «Ելք» գրքի սխալ թարգմանության պատճառով Միքելանջելոն Մովսես մարգարեին պատկերել է կոտոշներով։ Բանն այն է, որ եբրայերեն «կարնայիմ» բառը կարելի է թարգմանել որպես «ճառագայթներ» կամ «կոտոշներ»։ Այդպես, «Նրա դեմքը շողում էր» արտահայտությունը թարգմանվել է «Նրա դեմքը կոտոշավոր էր»։

«Բար Ֆոլի Բերժերում»
Էդուարդ Մանե

Եթե ուշադիր նայեք հայելուն, ապա կնկատեք, որ դրանում տեղ գտած արտացոլանքը չի համապատասխանում իրականությանը. սեղանին դրված շշերի դիրքը խախտված է, իսկ բարմենուհին ուղիղ է նայում, մինչդեռ արտացոլանքում նա նայում է հաճախորդին։ Ինչպես և հաճախ լինում է արվեստում, մասնագետները չեն կարողանում հասկանալ՝ արդյո՞ք դա Մանի մտահղացումն է, թե պարզապես սխալների խումբ։

«Գիշերային դեպք»
Դեմբրանդտ վան Ռեյն

Այս կտավը լի է հանելուկներով, որոնց ուսումնասիրությունը դեռևս չի դադարել։ Առավել շատ բանավեճեր առաջանում են կապիտան Ֆրանս Բանինգ Կոկի ձեռնոցների վերաբերյալ։ Աջ ձեռքում, որն արդեն կրում է ձեռնոց, Կոկը պահում է ևս մեկ աջ ձեռքի համար նախատեսված ձեռնոց։ Շատ մասնագետներ համոզված են, որ այդ կերպ Ռեմբրանդը երգիծանք է ավելացրել կտավին։ Որոշ մասնագետներ էլ վստահ են, որ ձեռնոցը, այնուամենայնիվ, ձախ ձեռքի համար է, իսկ տեսողական խաբկանքն առաջանում է այն պատճառով, որ կապիտանն այն բռնել է մատնեմատից, իսկ բութ մատը թեքված է դեպի դիտողի կողմը։