Ստրկամտության և սեփական հայացքները դավաճանելու համար՝ բնակարան Ալիևից

Երեք օր առաջ տեղեկացանք, որ Իլհամ Ալիևին պատկանող haqqin.az կայքը որպես լրագրողների տարվա լավագույն բարեկամներ առաջադրել էր երեք թեկնածուի, որոնք նույն ընտանիքի անդամ են՝ Իլհամ, Մեհրիբան և Լեյլա Ալիևները։

 

Այսօր Ադրբեջանում տոնում են «Մամուլի օր»-ը, և զարմանալի չէր, որ Իլհամ Ալիևին լավագույն ծառայություններ մատուցած լրագրողները ևս պետք է պարգևատրվեին։ Ալիևին պատկանող վերը նշված կայքից միանգամից երեք լրագրող է նվերներ ստացել։ Երեքն էլ՝ բնակարաններ։ Այսինքն՝ Ալիևը գործում է «Դու՝ ինձ, ես՝ քեզ» կարգախոսով։ Իլհամին, Մեհրիբանին և Լեյլային լրագրողների լավագույն բարեկամ առաջադրելու համար haqqin.az-ի երեք լրագրող, այդ թվում նաև՝ գլխավոր խմբագիր Էյնուլա Ֆաթուլաևը բնակարաններ են ստացել։ Հիմարները։ Դեբիլոտ Հեյդարչիկին և անլուրջ Արզուին էլ առաջադրեին, հինգ բնակարան կստանային։

 

Իլհամ Ալիևը, պարգևատրելով Էյնուլային, սեփական հասարակությանը ցույց է տալիս, որ արդար, ազատամիտ և սկզբունքային լինելն Ադրբեջանում չի ողջունվում, և այդպիսի մարդիկ Հեյդարիստան-Իլհամիստանում տեղ չունեն։ Ադրբեջանում գնահատվում են ստորաքարշները և դավաճանները, որոնք, պահից դուրս գալով, շատ արագ կարող են հրաժարվել սեփական հայացքներից և դավաճանել ընկերներին։ Էյնուլան հենց դրանցից է։ Սեփական ընկերոջ՝ «Մոնիտոր» թերթի գլխավոր խմբագիր Էլմար Հուսեյնովի սպանության մեջ Էյնուլան մեղադրում էր հենց Իլհամ Ալիևին, իսկ այսօր մարդասպանի ձեռքից ստանում է բնակարանի բանալի։ Ինչի՞ համար է նրան կաշառում Իլհամ բաբան։

 

Այո՛, սեփական հայացքները դավաճանելու, հարազատ ընկերոջ «կյանքը» վաճառելու, Ալիևների ընտանիքի սազանդարը դառնալու և այլ ստոր արարքների համար։
Ապշերոնյան բռնապետը հաճույք է ստանում կեղծ ազատամիտներին նվաստացնելուց, նրանց իրական դեմքը բացահայտելուց և իրեն ծառայեցնելուց։