Շվեյցարիայի ժողովրդական կուսակցությունը հաղթանակ է տարել խորհրդարանական ընտրություններում

Աջ պահպանողական Շվեյցարիայի ժողովրդական կուսակցությունը, որը հանդես է գալիս միգրացիոն հոսքերի խիստ սահմանափակման օգտին, հաղթանակ է տարել հոկտեմբերի 18-ին Շվեյցարիայում կայացած խորհրդարանական ընտրություններում: Այն Ազգային խորհրդի 200 պատգամավորական մանդատներից ստացել է 65-ը՝ 2011 թվականի ընտրությունների համեմատո ւթյամբ իր ներկայացուցչությունն ավելացնելով 11 տեղով: Այդ մասին,վկայում են քվեարկության վերջնական արդյունքները, որոնք հրապարակվել են կառավարության պաշտոնական կայքում:

Քաղաքագետների գնահատումների համաձայն՝ ՇԺԿ-ի համոզիչ հաղթանակը պայմանավորված է Եվրոպայի միգրացիոն ճգնաժամով: Հանդես գալով ներգաղթի սահմանափակման օգտին՝ կուսակցությունը կարողացել է ընդլայնել աջակցությունն ընտրողների շրջանում:

Խորհրդարանում իր ներկայացուցչությունը երեք տեղով՝ մինչեւ 33, ավելացրել է աջ կենտրոնամետ Լիբերալ-դեմոկրատական կուսակցությունը: Ընտրություններում աջերի այս հաջողությունը ձեռք է բերվել «Կանաչների» կուսակցության (մինուս չորս տեղ) եւ «Կանաչ լիբերալների» (մինուս հինգ տեղ), ինչպես նաեւ Սոցիալ-դեմոկրատական կուսակցության, որը կորցրել է երեք տեղ, եւ կենտրոնամետ Դեմոկրատական-քրիստոնեական կուսակցության թուլանալու ֆոնին, որի մանդատները պակասել են մեկով

Սպասվում է, որ, չնայած աջերի ուժեղացմանը, Շվեյցարիայի չորս խոշորագույն կուսակցությունները վերստին կկազմեն կոալիցիոն կառավարություն: Գործընկերության ռազմավարությունը գերակշռում է կուսակցական տարաձայնություններին. 1950-ական թվականների վերջից կոալիցիան անփոփոխ կերպով վերստեղծվում է ընտրություններից ընտրություն, հաղորդել է ՏԱՍՍ-ը: