Ինքնուս իլյուզիոնիստը դուրս է եկել միջազգային ասպարեզ. Նահապետ Արշակյանը մասնակցեց Ենգիբարյանի անվ. մնջախաղի միջազգային փառատոնի բացմանը

Ռուսաստանիիլյուզիոնիստների ասոցիացիայի անդամ, երիտասարդ և խոստումնալից իլյուզիոնիստՆահապետ Արշակյանը Լեոնիդ Ենգիբարյանի անվան մնջախաղի միջազգային փառատոնի բացմանը գունավոր անձրևանոցներով զվարճալի հնարքներ ներկայացրեց: Նա շատ դիտարժան և տպավորիչ համար ցուցադրեց, որը բարձր տրամադրություն հաղորդեց ներկաներին: Փառատոնին մասնակցության և այլ հարցերի շուրջ «Արմենպրես»-ի թղթակիցը զրուցեց Նահապետի հետ:

«Ծնողներս շատ բան են արել, որպեսզի եսանմիջական կապ ունենամ արվեստի հետ: Դեռ փոքրհասակում քանդակագործության դասերի էի գնում ուսիրում այն, բայց հետագայում ծրագրավորմամբսկսեցի զբաղվել, սակայն արվեստի հանդեպհետաքրքրությունս չկորավ»,-ասաց իլյուզիոնիստը:

Նրա խոսքով՝ հեռուստատեսությամբ զարմանալի հնարքներ ներկայացնող մի իլյուզիոնիստի ելույթը տեսնելով՝ փորձել  է կրկնել նույնը: «Ինձ մոտ շատ հեշտ և արագ ստացվեց, և ես մեծ ոգևորություն ապրեցի: 2012 թվականիցսկսեցի լուրջ  հետաքրքրվել իլյուզիոն աշխարհով: Հետագայում մշակեցի իմ սեփական հնարքներն ու փորձեցի իրականացնելդրանք»,- նշեց Արշակյանը:

Չնայած Նահապետն ինքնուս է՝ կարողացել է հաջողությունների հասնել:  Վերջերս նա դարձավ ՌԴ իլյուզիոնիստների ասոցիացիայի անդամ, ինչը նրան հնարավորություն կտա մասնակցել տարբեր հեղինակավոր փառատոների և ներկայանալ հանրության ավելի լայն շրջանակին:  Ներկայումս համագործակցում է Murphy's Magic, SansMinds համաշխարհային պորտալների հետ, և Նահապետի հեղինակային հնարքներից մի քանիսը կընդգրկվեն այդ պորտալներում:

«Աշխատում եմ նաև FISM-ի՝ իլյուզիոնիստների միջազգային ասոցիացիայի հետ, որը մի քանի տարին մեկ մեծ մասշտաբներովմրցույթներ է կազմակերպում՝ համագործակցելով «Masters of Magic»  միջազգային կառույցի հետ: Կարծում եմ՝ FISM-ումելույթներ ունենալը բոլոր իլյուզիոնիստների բաղձալի ցանկություններից մեկն է»,- շեշտեց Նահապետն ու հավելեց, որ մեծ սիրով ու հպարտությամբ է հանդես գալիս Լեոնիդ Ենգիբարյանի անվան մնջախաղի միջազգային փառատոնին, որտեղ իր սիրված համարներից մեկը ներկայացնելու հնարավորություն ունի:

Նա ընդգծեց, որ փառատոնի ավարտից հետո ավելի հաճախ է մասնակցելու նման միջոցառումներին ու  փորձելու է Հայաստանում զարգացնել իլյուզիոն արվեստը, որը շատ հետաքրքիր է, զվարճալի ու  գեղեցիկ: