6 ամենախենթ ճանապարհորդներն ու նրանց արկածները

Ճանապարհորդությունները մեր կյանքի անբաժանելի մասն են կազմում: Անծանոթ վայրեր այցելելիս նոր տպավորություններ և դրական էմոցիաներ ենք ստանում: Տարբեր երկրներ գնալով՝ մարդը հայտնվում է անսովոր իրավիճակներում, նոր մարդկանց է հանդիպում, որոնք ունեն իրենց սովորություններն ու ավանդույթները: Եվ մեր մեջ կան այնպիսիները, ովքեր պատրաստ են տակնուվրա անել իրենց ողջ կյանքը նոր էմոցիաներ ստանալու համար: Եկեք ծանոթանանք ամենաարտասովոր վեց ճանապարհորդների հետ:

 

1. Շուրջերկրյա ճամփորդություն հեծանվով

75-ամյա միլիոնատեր Յանուշ Ռիվերը կտրուկ փոխեց իր կյանքը, երբ 2000 թ. $50-ով գնեց լեռնային հեծանիվ և դրանով շուրջերկրյա ճանապարհորդություն սկսեց: Նա այցելեց 135 երկիր՝ անցնելով շուրջ 145 000 կմ: Ընթացքում տասնյակ լեզուներ է սովորել և 20 անգամ «հաջողել է» գերի  ընկնել:

 

2. Ճամփորդություն սիրելի կատվի հետ

Այս զույգը թողեց իր աշխատանքը, վաճառեց իր բոլոր իրերը, զբոսանավ գնեց և շուրջերկրյա ճանապարհորդություն սկսեց իր կատվի հետ: Ջոնսոնները 16 երկիր այցելեցին, այդ թվում նաև՝ Բահամյան կղզիներ, Ջամայկա, Կուբա և Պերու: Իսկ 2012 թ. նրանց զբոսանավում նոր կատու լույս աշխարհ եկավ՝ Ջորջին:

 

3. 4499 կմ՝ ոտքով

Քրիստոֆեր Ռիհեյջն իր ոտքով ճանապարհորդությունը սկսել է 2007 թ. նոյեմբերի 9-ին, վերջացրել՝ 2008 թ. հոկտեմբերին: Նա անցել է 4499 կմ՝ Պեկինից մինչև Ուրումչի: Եվ ահա այսպես է նրա արտաքին տեսքը փոխվել ողջ ճամփորդության ընթացքում:

 

4. Աշխարհի հրաշքները այլմոլորակայինների աչքերով

Ծանոթացե՛ք, սա Ջա-Ջա Բինքսն է: Եվս մեկ Ջա-Ջա Բինքս… 16 տարվա ընթացքում մեր մոլորակի հյուրերը 6 մայրցամաքներ և 45 երկրներ են այցելել: Իսկ եթե ավելի լուրջ, ապա սա ուղղակի երկու հասուն տղամարդկանց հոբբին է, որոնք արդեն 16 տարի շարունակ մեր աշխարհի հրաշքներին նայում են այլմոլորակայինների աչքերով:

 

5. Ճամփորդություն՝ հոր հիշատակին

Աղջիկը ճանապարհորդում է աշխարհով մեկ հոր ստվարաթղթե ֆիգուրի հետ միասին: Ջիննա Յանի հայրը մահացել է, իսկ աղջիկը, հիշելով, թե չիրականացրած որքան պլաններ ուներ հայրը, որոշել է նրա ֆիգուրը կտրել ստվարաթղթից և այցելել այն բոլոր վայրերը, որտեղ հայրը կցանկանար լինել:

 

6. Ամենաերիտասարդ ճանապարհորդը

Բոդի Բենետն ամենաերիտասարդ ճանապարհորդն է: Առաջին անգամ ծնողները նրան տարել են ճամփորդելու այն ժամանակ, երբ Բոդին դեռ 5 օրական էր: Ծնողները՝ 27-ամյա Շենոնը, որը երկրորդ բալիկին է սպասում, և 29-ամյա Բլեյքը, քայլել են 483 կմ: