Կատարը մերժել Է Մանամայի հանդիպման արդյունքներով արաբական «քառյակի» ԱԳՆ-ների ղեկավարների հայտարարությունը

Կատարը մերժում Է ճգնաժամից դուրս գալու երկխոսության համար այն պայմանները, որոնք շարադված են Մանամայում կայացած հանդիպման արդյունքներով Էմիրությունը բոյկոտած երկրների արտագործնախարարությունների ղեկավարների հայտարարության մեջ: Ինչպես տեղեկացնում Է «Արմենպրես»-ը, այս մասին հայտնել Է Կատարի արտաքին գործերի նախարար Մուհամեդ բեն Աբդել Ռահման Ալ Թանին՝ Al Jazeera հեռուստաալիքին տված հարցազրույցում, որը հրապարկվել Է հուլիսի 31-ին:

Սաուդյան Արաբիայի, Արաբական Միացյալ Էմիրությունների, Բահրեյնի եւ Եգիպտոսի արտաքին գործերի նախարարները հուլիսի 30-ին հայտարարել են Կատարի հետ բանակցությունների պատրաստակամության մասին, եթե Էմիրությունն «անկեղծ ցանկություն հայտնի կատարելու» ավելի վաղ իրեն առաջադրված «պահանջները»: Խոսքը վերաբերում Է 13 պայմաններից բաղկացած ցուցակին, որոնք արաբական «քառյակի» կողմից Դոհային են հանձնվել ճգնաժամի սկզբին: Վերջնագրի կետերի թվում են, որոնք Էմիրությունը դիտում Է որպես ոտնձգություն ինքնիշխանության դեմ, Al Jazeera հեռուստաալիքի փակումը, հրաժարումը Թուրքիայի հետ ռազմական համագործակցությունից եւ Իրանի հետ դիվանագիտական հարաբերությունների թուլացումը:

«Այդ երկրները պնդում են, թե Կատարի դեմ ձեռնակված միջոցնեը կապված են իրենց ինքնիշխանության եւ ազգային անվտանգության հետ, ընդհակառակը, այդ քայլերը (բոյկոտը – խմբ.) խախտում են միջազգային իրավունքը եւ մարդու ազատ տեղաշարժման իրավունքները»,- նշել Է նախարարը: Ալ Թանիի կարծիքով՝ Մանամայում կայացած հանդիպումը ցույց տվեց, որ արաբական երկրները «շարունակում են անհաշտ քաղաքականությունը» Կատարի նկատմամբ՝ հրաժարվելով ընդունել Էմիության դեմ սահմանված պատժամիջոցների անօրինականությունը, հաղորդել Է ՏԱՍՍ-ը: