Դրամական ծառը՝ առողջության համար

Թանձրատերևուկը տարբեր տեսակներ ունի։ Սակայն առավել տարածված է տնային տեսակը, որը հայտնի է նաև՝ որպես դրամական ծառ։ Այն մեծ քանակով մկնդեղ է պարունակում, որի պատճառով խորհուրդ չի տրվում չարաշահել այս բույսի հիմքով պատրաստված միջոցները ներքին ընդունման համար։ Գերդոզավորման դեպքում կարող են նկատվել փսխում, փորլուծություն, գիտակցության խանգարումներ։

Եթե որևէ մեկը հիվանդացել է, բույսի վիճակը սկսում է կտրուկ վատանալ. այն թոշնում է, տերևները սկսում են թափվել։ Երբ հիվանդը լավանում է, այս բույսը կրկին նախկին տեսքն է ընդունում։ Չնայած բույսը բավական հայտնի է, շատերը տեղյակ չեն նրա հակաբակտերիալ, հակավիրուսային և հակաբորբոքային հատկությունների մասին։

Հերպես շուրթերին։ Տերևներից քամեք հյութը, ախտահարված հատվածին քսեք 30 րոպեն մեկ անգամ։

Անգինա, տոնզիլիտ։ 10 տերևներից քամեք հյութը, խառնեք 200 մլ ջրի հետ։ Կոկորդը ողողեք օրվա ընթացքում 3-5 անգամ։

Ստամոքսի և տասներկումատնյա աղու խոց։ Առավոտյան ուտելուց 1 ժամ առաջ կերեք թանձրատերևուկի երկու տերև։

Պիելոնեֆրիտ, ցիստիտ։ Բույսի 5 տերև մանրացրեք, լցրեք 200 մլ տաք ջուր, թրմեք, թողեք սառչի։ Օրվա ընթացքում, ուտելուց 15 րոպե առաջ 1 ճաշի գդալ, խմեք 3 անգամ։

Արթրիտ, արթրոզ։ 10-15 տերևներից քամեք հյութը, քսեք վնասված հոդերին։

Թութք։ Վնասված հատվածին թանձրատերևուկի տերև դրեք։

Այրվածքներ, կտրվածքներ, վերքեր։ Տերևներից պատրաստված շիլան դրեք վնասված հատվածի վրա, փաթաթեք թանզիվով։ Չորանալուց հետո փոխեք։