Կնոջ եւ ընկերների անակնկալը՝ Մոսո Կարապետյանի 29-ամյակին

BRAVO.am-ը գրում է. 

«Ֆուլ հաուս» հումորային նախագծում Հրաչի դերակատար Մոսո Կարապետյանը դարձել է 29 տարեկան: Տեւական ժամանակ ԱՄՆ-ում բնակություն հաստատած դերասանը BRAVO.am-ի հետ զրույցում պատմել է տոնական օրվա, նաեւ Հայաստան գալու եւ հայր դառնալու ցանկության մասին:

Մոսո Կարապետյանը դարձել է 29 տարեկան

«Կեսգիշերին առաջինը կինս շնորհավորեց, որից հետո Դելոն եւ այստեղի մյուս ընկերներս տորթով մեր տուն եկան: ԱՄՆ-ի չգրված օրենքների համաձայն, ծնունդս օրեր անց կտոնեմ»,- պատմել է հոբելյարն ու նշել, թե ինչ կարեւոր ձեռqբերում է ունեցել այս տարի. «Այնպես ստացվեց, որ ծննդյանս օրը ստորագրեցինք մեր տան վերջնական փաստաթղթերը եւ ունեցանք մեր առաջին տունն այստեղ: Դրանից լավ նվեր չէր կարող լինել, իսկ կինս ինձ շատ մեծ բարձ նվիրեց:)»:

Օվկիանոսից այն կողմ եւս դերասանը շարունակում է իր սիրելի մասնագիտական աշխատանքով զբաղվել. «Ապագայում շատ ծրագրեր կան, որոնց մասին մի քանի ամսից կխոսեմ»:

Մոսո Կարապետյանը՝ կնոջ հետ

Մոսոն նշել է նաեւ, որ ամեն վայրկյան կարոտում է Հայաստանն ու ընտանիքի անդամներին. «Մինչեւ տարեվերջ ծրագրում եմ Հայաստան գալ, քանի որ կարոտն անսահման է, նաեւ որոշ գործեր ունեմ: Հայաստանում ծնված եւ մեծացած մարդը չի կարող իր հայրենիքից բացի այլ երկրի ապրելակերպը սիրի, չնայած Միացյալ Նահանգները վատ երկիր չէ եւ շատ հնարավորություններ է տալիս առաջ գնալու»:

 

Մանրամասն՝ սկզբնաղբյուր կայքում