Այս ամռան 3 նորաձև թրենդ, որոնք երկար են մնալու

Այս ամառը նորաձևության վրա ազդեցություն են ունեցել ոչ միայն արդիական միտումները, այլև եղանակային պայմանները: Ահա այս սեզոնի երեք գլխավոր թրենդները.

Բազմաշերտ ոճ

Մի քանի իրերի համադրություն՝ մեկ կերպարում: Ուղիղ իմաստով շերտավորում, մեկ հագուստի վրայից գալիս է մյուսը:

Որպես կանոն, այս ոճում կա բազային իր, որի վրա պահվում է ողջ կերպարը: Դա կարող է լինել ջեմպեր կամ սովորական սպիտակ շապիկ: Մնացածն ընտրվում են ըստ այդ բազային իրի: Որպեսզի բազմաշերտ կերպարը ձանձրալի չերևա, պետք է համատեղել անսովոր իրերը բազայինի հետ: Օրինակ, հագնել սովորական շապիկը անթև ժակետի հետ: Այդ կերպ կերպարը կդառնա ավելի գործնական և խիստ:    

Սովորական բազային շապիկի հետ կարելի է 2 տարբեր կերպարներ կազմել: Եթե համատեղում եք անթև ժակետի հետ՝ ստանում եք խիստ և նույնիսկ տոնական կերպար: Իսկ եթե նույն շապիկը հագնել ջինսե ժիլետի հետ, ապա հեշտությամբ կարելի է գնալ ամառային փառատոնի և թուլացած տեսք ունենալ:

   

Շեշտադրում անսովոր թևերի վրա

Այս սեզոնում նորաձև դիզայներները հատուկ ուշադրություն են դարձրել անսովոր թևերով իրերին: Ստանդարտ հագուստը, որը շատերը ձանձրալի կհամարեին, ամբողջությամբ նոր տեսք է ստանում թևերի յուրահատուկ ձևի շնորհիվ: Բոլորին ծանոթ են լայնացող թևերը: Այս սեզոնում դրանք դարձել են էլ ավելի լայն:

Անսովոր թևերով վերին հագուստի համադրությունը սովորական իրերի հետ այս ամռան նորաձև միտումներից է:

   

Ներքնազգեստային ոճ

Արդեն երկրորդ սեզոնն է, ինչ ներքնազգեստային ոճի հագուստը դուրս չի գալիս նորաձևությունից:

«Գիշերանոցային» ոճով այլևս ոչ մեկին չեք զարմացնի, եթե առաջ այդպիսի իրը համարվում էր տարօրինակ, ապա այսօր դա զգեստպահարանի մաս է կազմում:    

Ներքնազգեստային ոճն ուրախացնում է ոչ միայն զգեստներով, այլև տաբաթով, կոստյումներով: Դա ամռան ունիվերսալ հագուստ է, որի մեջ դուք ձեզ հարմարավետ և թույլ կզգաք: Ներքնազգեստային ոճի լավ իրը բնական կտորներից հիանալի ներդրում է զգեստապահարան՝ մի քանի սեզոն ընդառաջ:

Աղբյուր՝ LADYNEWS.am