«Բարսելոնայի» գլխավոր մարզիչ. Ֆուտբոլում չկան անպարտելին էր, «Ռեալը» նույնպես կունենա պարտություններ

«Բարսելոնայի» գլխավոր մարզիչ Էռնեստո Վալվերդեն Իսպանիայի Սուպերգավաթի պատասխան խաղում «Ռեալին» 0:2 հաշվով պարտվելուց հետո վստահություն է հայտնել, որ Արքայական թիմը եւս պարտություններ կունենա:

«Մենք պարտվեցինք այս տիտղոսային մրցախաղում: Պետք է ընդունել, որ մրցակիցն առանձին հատվածներում ավելի ուժեղ էր: Մենք ունեինք դիմակայության ընթացքը բեկելու շանս, բայց չօգտվեցինք դրանից: Մրցակիցն ակտիվ պրեսինգի էր դիմում եւ պատժում մեզ՝ գնդակ խլելով:

Մենք պետք է արագ վերականգնենք մեր ֆիզիկական որակները Իսպանիայի առաջնությունում վստահ հանդես գալու համար: Սուպերգավաթը մրցաշրջանին պատրաստվելու վերջին փուլն է, բայց մենք ցանկանում էինք նվաճել այս տիտղոսը: Պետք է վերականգնվել եւ առաջ շարժվել, այլ տարբերակ չկա:

Պետք է արժանին մատուցել «Ռեալին», բայց ամեն ինչ դեռ նոր է սկսվում: Մեզ սպասվում է երկար մրցաշրջան: Ֆուտբոլում անպարտելիներ չկա, եւ կասկած չկա, որ «Ռեալը» նույնպես կունենա պարտություններ»,- Վալվերդեի խոսքը մեջբերում է AS-ը:

Իսպանիայի Սուպերգավաթ, պատասխան հանդիպում

«Ռեալ» - «Բարսելոնա»՝ 2:0 (առաջին հանդիպում՝ 3:1)

Մարկո Ասենսիո, 4, Քարիմ Բենզեմա, 39