Օրվա բաղադրատոմս. Մրգային տորթ

Խմորի բաղադրամասեր՝

130 գրամ կարագ

200 գրամ շաքարավազ

3  հատ ձու

200 գրամ ալյուր

1 թեյի գդալ սոդա

Կիտրոնի հյութ

Կրեմի բաղադրամասեր՝

300 գրամ յուղոտ թթվասեր

100 գրամ շաքարավազ

1  հատ բանան

Ձևավորելու բաղադրամասեր՝

50 գրամ շոկոլադ

2 ճաշի գդալ հատապտղային օշարակ

Թարմ հատապտուղներ

Պատրաստման եղանակը՝

Կարագ հալել, ավելացնել շաքարավազ, ձու և այն հարել։ Ապա ավելացնել սոդա, կիտրոնի հյութ և ալյուր. այս ամենը խառնել։ Ապա թխել 200С ջեռոցի մեջ 30 րոպե։  Թողնել սառի և խմորը բաժանել երկու մասի։

Թթվասերը խառնել շաքարավազով և թողնել 20 րոպե։ Խմորի ներքևի հատվածի վրա թթվասերով զանգվածը լցնել, ապա կտրատած բանանը դասավորել խմորի վրա։  Խմորի վերևի հատվածը փոքրիկ քառակուսիներով կտրատել և այն թաթախել կրեմի մեջ  և այն դնել բանանների վրա։

Թողնել սառնարանում 30-40 րոպե։  Վրան լցնել հալեցված շոկոլադը, օշարակը և այն ձևավորել հատապտուղներով։