Նիհարեցնող մթերքներ, որոնք առաջարկում են մասնագետները

Լավ տեսք ունենալու համար, պետք է հրաժեշտ տալ ավելորդ կիլոգրամներին: Բազմաթիվ դիետաներ առաջարկում են տարբեր ուղիներ, որոնք պահանջում են կամքի ուժ և կլորիկ գումար:
Տարբերակներ կան  ներդաշնակության հասնելու համար առանց ծանր և լուրջ զոհողությունների, քանի որ գիտությունը տեղում չի դոփում, և գիտնականները պարբերաբար հայտնաբերում են նորանոր մեթոդներ: Սննդաբանները ներկայացնում են սննդի այն տեսակները, որոնք կօգնեն նիհարել:

Կաթնամթերք` առանց կաթի. Ցածր յուղայնություն պարունակող կաթնամթերքը՝ մածուն, կեֆիր, կաթնաշոռ, ըստ փորձագետների, թույլ կտա նիհարել և նվազեցնել նույնիսկ վերականգնվող կամ նոր առաջացող ճարպերը:

Կոճապղպեղ (Իմբիր). Այն գերազանց ապահովում է արյան շրջանառությունը՝ դրանով իսկ արագացնելով օրգանիզմի նյութափոխանակությունը

Կաղամբ. Կաղամբն ու ծաղկակաղամբն անփոխարինելի են ավելորդ քաշի դեմ պայքարում: Կաղամբն օրգանիզմում աշխատում է որպես խոզանակ, որը մաքրում է օրգանիզմի ավելորդությունները: Ծաղկակաղամբն իր հերթին պարունակում է բազմաթիվ վիտամիններ:

Վարունգ. Վարունգն արդյունավետ միջոց է նիհարելու համար, սակայն, ինչպես և շատ ուրիշ բանջարեղեններ, կրում է սեզոնային բնույթ, և առավելագույն օգուտ տալիս է իր բնական հասունացման ժամանակ:

Դարչին. Այս համեմունքն ավելորդ քաշի դեմ պայքարում նոր ժամանակների միջոց է, որն արդեն ապացուցել է իր արդյունավետությունը: Դարչինն իջեցնում է արյան մեջ շաքարի մակարդակը: Դարչին կարելի է ավելացնել թեյի, սուրճի, մածունի մեջ:

Ջուր. Նոր ուսումնասիրությունները ցույց են տալիս, որ ջուրը նույնպես ազդում է քաշի կորստի վրա: Գերմանացի հետազոտողները հայտնաբերել են, որ օրական խմելով 500 գ ջուր, 30 % -ով արագացել է կալորիաների այրումը:

Նյութը հրապարակման պատրաստեց Past.am-ը: