Գեղեցիկ դիմահարդարվելու 5 խորհուրդ Լիկա Սալմանյանից

Mypage.am-ը զրուցել է նորաբաց «Սալմա» գեղեցկության սրահի հիմնադիր, սիրված ու տաղանդավոր դերասանուհի Լիկա Սալմանյանի հետ։ Մենք Լիկային խնդրեցին, որպես մասնագետ, մեզ հետ կիսվի ճիշտ և գեղեցիկ դիմահարդարվելու խորհուրդներով։

Խոսքը սկսելով՝  նա ասաց. «Ցանկացած դիմահարդարում կորցնում է իր տեսքը, եթե դեմքի մաշկը խնամված չէ,առօրյայում լավ կլինի քիչ շպարվել, նախընտրելի է ավելի շատ շեշտը դնել խնամքի վրա, քանի որ  բոլոր եղանակներն,(բայց  հատկապես ամռանը) մաշկը խնամքի կարիք ունի, օգտագործեք խոնավեցնող հանգստացնող դիմակներ և քսուկներ»։

 

Ապա ներկայացրեց այն խորհուրդները, որոնք կօգնեն ձեզ ճիշտ դիմահարդարվել.

Առաջին խորհուրդը կցանկանամ տալ տոնային քսուկի վերաբերյալ, շատ հաճախ աղջիկները տոնային քսուկի երանգը ընտրում են համապատասխանեցնելով դեմքի երանգի հետ ինչը սխալ է, պետք է համապատասխանեցնել պարանոցի երանգի հետ որպեսզի դիմակի էֆֆեկտ չլինի։

Բանանը,կարտոֆիլը կիտրոնը բարենպաստ ազդեցություն ունեն դեմքի մաշկի համար (իհարկե եթե ալերգիաներ չունեք):

Շատ աղջիկներ քնում են շպարը առանց մաքրելու, ինչը մաշկի առաջին թշնամին է, պարտադիր քնելուց առաջ պետք է լվանալ դեմքը քանի որ շպարով քնելու դեպքում մաշկը կորցնում է առողջ տեսքը և զանազան այլ խնդիրներ առաջացնում:

Տոնային քսուկը քսելուց առաջ անհրաժեշտ է օգտագործել բազա, որը կօգնի, որ տոնային քսուկը դեմքին ավելի գեղեցիկ և հարթ լինի:

Իհարկե, ստացեց  տոնային քսուկի վերաբերյալ խորհուրդներ և իրականում դիմահարդարման հիմքը  տոնային քսուկն է և խնամված մաշկը:

«Եղեք միշտ խնամված և գեղեցիկ», այսպես ավարտեց իր խոսքը դերասանուհին։