Գագիկ Ծառուկյանի անձնական շահը դաշինքի ծրագրերի իրականացումն է

ՀՀ վեցերորդ գումարման Ազգային ժողովն անցավ իր բնականոն աշխատանքին: Թե ինչպիսի գործունեություն կծավալի մեր նոր Օրենսդիր մարմինը, ցույց կտա ժամանակն ու դրա ընթացքում տեղի ունեցող իրադարձությունները: Բայց այն, որ խորհրդարանի երկրորդ ուժը համարվող «Ծառուկյան» դաշինքը ունի հստակ դիրքորոշում որոշակի հարցերի շուրջ, ևս մեկ անգամ փաստվեց այսօր, երբ ԲՀԿ առաջնորդ ՀՀ պատգամավոր Գագիկ Ծառուկյանը լրագրողների հետ հարց-պատասխանի ժամանակ խոսեց երկրի համար հրատապ համարվող թեմաների, ինչպես նաև խմբակցության աշխատանքներում առաջնահերթ համարվող անելիքների մասին: