Օրվա բաղադրատոմսը. Տորթ «Շվարցվալդ»

1in.am-ը գրում է .

Բաղադրիչներ

Խմորի համար՝
շոկոլադ սև – 150գր
կարագ – 150գր
շաքարի փոշի – 150գր
ձու – 6 հատ
ալյուր – 150գր
փխրեցուցիչ – 1թ/գդ
աղ – մեկ պտղունց
Oշարակի համար՝
բալ – 85մլ (հյութ)
լիկյոր մրգային – 85մլ (բալի)
Միջուկի համար՝
բալ – 150մլ (հյութ)
շաքարավազ – 2ճ/գդ
օսլա (крахмал) եգիպտացորենի – 2ճ/գդ
վանիլին – 15գր
լիկյոր մրգային – 50մլ (բալի)
բալ – 700գր
սերուցք 30-35% յուղայնությամբ – 750մլ
Վրան զարդարելու համար՝
շոկոլադ սև – 100գր (քերած)
բալ – 5-6 հատ

Պատրաստման եղանակ

• Խմորի համար հալեցնում ենք կարագն ու շոկոլադը:
  Առանձնացնում ենք ձվի դեղնուցը սպիտակուցից: Առանձին հարում ենք դեղնուցները շաքարի փոշու հետ մինչև սպիտակելն և ծավալով ավելանալը:
  
• Ապա խառնում ենք շոկոլադե զանգվածի հետ: Ավելացնում ենք փխրեցուցիչը ու ալյուրը և խառնում ստացված զանգվածը:
  
• Այնուհետև հարում ենք պիտակուցները աղի հետ մինչև պնդանալը ու լցնում հարած շոկոլադե զանգվածի վրա ու խառնում:
  Պատում ենք ձևամանը պերգամենտային թղթով,մեջը լցնում ստացված շոկոլադե խմորը և թխում ջեռոցում 40 րոպե 170 աստիճանում:
  
• Օշարակի համար խառնում ենք բալի հյութն ու բալի լիկյորը:
• Միջուկի համար կաթսայի մեջ խառնում ենք շաքարավազը, բալի հյութն ու վանիլինը, մի քիչ տաքացնում ենք կրակի վրա, ապա ավելացնում բալի լիկյորը, օսլան և եփում (անընդհատ խառնելով) մինչև ստացվի խիտ կիսելանման զանգված: Վերջում ավելացնում ենք բալը, խառնում և հանում կրակի վրայից:
  
• Առանձին ամանի մեջ հարում ենք սերուցքը:
  Պատրաստի թխվածքը բաժանում ենք 3 հավասար մասի: Ներքևի հատվածի վրա լցնում ենք պատրաստի օշարակը, այնպես որ լավ ներծծվի, ապա խոհարարական պարկի միջոցով պտուտակաձև վրան լցնում ենք հարած սերուցքը, իսկ արանքներում դնում ենք պատրաստի միջուկը և ծածկում երկրորդ շերտով:
  
• Նույնը կատարում ենք երկրորդ շերտի հետ:
  Ծածկում ենք տորթը երրորդ շերտով, ամբողջությամբ պատում ենք հարած սերուցքով, տորթի կողքերի վրա և մեջտեղում շաղ ենք տալիս քերած շոկոլադը:
  
• Ապա խոհարարական պարկի միջոցով ձևավորում ենք տորթը սերուցքի գնդիկներով, որոնց վրա դնում ենք մեկական բալ:
  

Ձմռանը տորթ “Շվարցվալդ”-ը կարելի է պատրաստել սառեցրած բոլավ