Քարտաշյանը երկու ավտոմեքենա ու մոտ 30 հազար եվրո փոխառություններ ունի

Past.am-ը տեղեկացնում է. Կառավարության աշխատակազմի արտաքին կապերի վարչության պետ Ստեփան Քարտաշյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր պաշտոնը ստանձնելու 2017 թ. հայտարարագիրը: Ըստ որի՝ նա բավական շատ փոխառություններ ունի հանձնած:

Հայտարարագրից տեղեկանում ենք, որ նա փոխառություններ է հանձնել 8 տարբեր սուբյեկտի՝ եվրոյով ու ԱՄՆ դոլարով, որոնք ընդհանուր կազմել են 3 հազար ամերիկյան դոլար ու 27 հազար եվրո:

Նրան են պատկանում նաև «SKODA FABIA 1.4» և «MERCEDES–BENZ E 250CGI» մակնիշի ավտոմեքենաները: Դրամական միջոցները պաշտոնը ստանձնելու օրվա դրությամբ կազմել են 412 հազար դրամ ու 300 եվրո, իսկ եկամուտները՝ 3 միլիոն 326 հազար դրամ, որից 2 միլիոն 859 հազար ու 168 հազար դրամը աշխատավարձեր են, իսկ մնացածը՝ տրված փոխառությունների (վարկերի) դիմաց ստացված տոկոս:

 

Ամալյա Ենգոյանը ավելի քան 24 միլիոն փոխառություններ ունի

Կառավարության աշխատակազմի Ազգային ժողովի հետ կապերի վարչության պետ Ամալյա Ենգոյանը, ով ամռանն է նշանակվել այս պաշտոնում, շաբաթներ առաջ Բարձրաստիճան պաշտոնատար անձանց էթիկայի հանձնաժողովին ներկայացրել է իր պաշտոնը ստանձնելու 2017 թ. հայտարարագիրը:

Ամալյա Ենգոյանը հայտարարագրել է ընդամենը մեկ հողամաս և 7 միլիոն 500 հազար դրամ ու 3 հազար 485 ամերիկյան դոլար դրամական միջոցներ: Պաշտոնը ստանձնելու օրվա դրությամբ նա ունեցել է նաև փոխառություններ, որոնք կազմել են 24 միլիոն 399 հազար դրամ:

Հունվարի 1–ից մինչև պաշտոնը ստանձնելու՝ հուլիսի 1–ն ընկած ժամանակահատվածում էլ ունեցել է 6 միլիոն 122 հազար դրամ եկամուտ, որը ստացվել է 3 միլիոն 781 հազար և 117 հազար դրամ աշխատավարձերից, 187 հազար 353 դրամ տրված փոխառությունների

ՔՐԻՍՏԻՆԱ ՏԵՐ–ՄԱԹԵՎՈՍՅԱՆ