Ապրիլյան պատերազմի հերոսի ընտանիքը ստո՞ւմ է.

Henaran.am-ի խմբագրութուն զանգահարած Լուսինե Մյուլերրը հուզված էր: Նա զանգահարել էր, որպեսզի արձագանքի մեր հրապարակած .« Սա ստորություն է. ապրիլյան պատերազմի հերոսի ընտանիքին տված գումարը հետ են վերցրել» հոդվածին:

Լուսինե Մյուլերրը նշեց, որ բացահայտում է կատարվածը և որպես Հելենա Մյուլերրի մայր հայտնում, որ իր 18-ը նոր լրացած դուստրը կատարվածից հետո գտնվում է հոգեբանների հսկողության տակ:

«Հելենա Մյուլերրը դպրոցական աղջնակ էր, երբ իմացավ ապրիլյան պատերազմի մասին: Իմ աղջիկը, ով բնակվում է ԱՄՆ Ֆիլադելֆիա նահանգում սկսեց դրամահավաք կազմակերպել զինվորների համար: Արուս անունով մի կին ասաց, որ հերոս Հովսեփ Կիրակոսյանի ընտանիքը օգնության կարիք ունի ու մենք առանց ճանաչելու որոշեցինք գումարը ուղարկել հենց իրենց: Հետագայում այդ ընտանիքը իմ աղջկա հետ այն աստիճան մտերմացավ, որ ուզում էին փախցնել ու բերել Հայաստան»,-պատմեց Լուսինե Մյուլերրը հավելելով, որ իր դուստրը երբեք չի հանդիպել Հովսեփի ընտանիքին և Հովսեփի եղբոր հետ սկսած նամակագրությունը միայն վիրտուալ դաշտում է մնացել:

Լուսինե  Մյուլերրը նշեց, որ անձնական հարաբերությունների դաշտում անհամաձայնություն է եղել Հովսեփ Կիրակոսյանի եղբոր հետ.«Ավելի ուշ նրանց ընտանիքը հայտարարել է, որ մեր ուղարկած գումարի կարիքը չունեն, քանի որ ապահով ընտանիք են և ֆերմաներ ունեն: Թագուհի Թրեյսի Օհանյանը մեզ ասաց, որ այդ ընտանիքը փողի կարիք չունի ու դրանից հետո գումարը տրամադրած մարդկանց հետ միասին որոշեցինք գումարը հետ վերցնել ու փոխանցել «Զինծառայողների կյանքին կամ առողջությանը պատճառված վնասներին» հիմնադրամին: Հովսեփի եղբայրը վերադարձրել է գումարը, ու մենք այն արդեն փոխանցել ենք»:

Լուսինե Մյուլերրը ընդգծեց, որ Հովսեփ Կիրակոսյանը իր դստեր համար հերոս է ու այդպես էլ շարունակելու է լինել: