Մերկելը պատրաստ Է բոլոր ուժերը ներդնել Հունաստանին եվրոգոտում պահելու համար

ԳՖՀ-ի կանցլեր Անգելա Մերկելը պատրաստ Է բոլոր ուժերը ներդնել Հունաստանին եվրոգոտում պահելու համար: Այդ մասին նա հայտարարել Է Լյուքսեմբուրգի վարչապետ Կսավյե Բետելի հետ բանակցությունների արդյունքներին նվիրված  մամուլի ասուլիսում:

«Ես իմ բոլոր ուժերը գործադրում եմ, որպեսզի օգնեմ երեք ինստիտուտների (Եվրահանձնաժողով, Արժույթի միջազգային հիմնադրամ եւ Եվրոպայի կենտրոնական բանկ)՝ համաձայնության հասնելու Հունաստանի հետ: Դրանում եմ ես տեսնում իմ խնդիրը»,-ընդգծել Է կանցլերը:

  ԳՖՀ-ի կառավարության ղեկավարը նշել Է, որ «պատրաստ Է հնարավոր ամեն ինչ անել՝ Հունաստանին եվրոգոտում պահելու համար»: 

«Դրա վրա եմ ուշադրությունս կենտրոնացնում այս օրերին»,-հավելել Է Մերկելը:

«Մենք շատ բան չենք կարող հայտնել «Հունաստան» թեմայի վերաբերյալ»,-ասել Է կանցլերը, նշելով, որ «հարկ Է սպասել Եվրոխմբի հանդիպմանը»:

«Երեք ինստիտուտները պետք Է համաձայնության հասնեն Հունաստանի հետ, կհաջողվի արդյոք դա անել մինչեւ հունիսի 18-ը, ես չգիտեմ»,-նշել Է կանցլերը:

Մինչդեռ Հունաստանի վարչապետ Ալեքսիս Ցիպրասը հայտարարել Է, որ վարկատուների հետ Հունաստանի գործարքն արգելափակող հիմնական գործոնը տարաձայնություններն են ԵՄ-ի եւ ԱՄՀ-ի միջեւ: Reuters գործակալությունը մեջբերել Է Ցիպրասի խոսքն այն մասին, որ «գործարքն արգելափակող գլխավոր գործոնը պարտքի վերաձեւակերպման շուրջն առկա հակասություններն են ԵՄ-ի եւ ԱՄՀ-ի միջեւ»:   

2010 թվականից, երբ սկսվել Է Հունաստանի սուվերեն պարտքի ճգնաժամը, ԵՄ-ն եւ ԱՄՀ-ն գրեթե 250 միլիարդ եվրոյի վարկեր են տրամադրել Աթենքին: Չնայած 2012 թվականին Հունաստանի պարտքի մասնակի դուրսգրմանը, նրա պետական պարտքը գերազանցում Է 315 միլիարդ դոլարը, ինչը կազմում Է համախառն ներքին արդյունքի (ՀՆԱ) 175 տոկոսը: Դա  եռակի գերազանցում Է եվրոյի գոտու երկրների համար պետական պարտքի առավելագույն թույլատրելի մակարդակը, որը, Կայունության եւ աճի պակտի համաձայն՝ կազմում Է ՀՆԱ-ի 60 տոկոսը, հաղորդել Է ՏԱՍՍ-ը: