Ինչու՞ են ակտիվացել ռուսների տեղական ծաղրածուները

Զարմանալի զուգադիպությամբ Հայաստանում եվրոպական արժեքների դեմ պայքարողները Հայաստանում Ռուսաստանի դեսպանատանը ակտիվ ելումուտ անող անձինք են: Իհարկե, կարելի է պայքարել եվրոպական արժեքների դեմ: Եվրոմիության քաղաքականության և նրանց կողմից առառաջարկվող օրենսդրական փոփոխությունների դեմ պայքարում են անգամ Եվրոպայում: Բայց Հայաստանում թե այդ նախաձեռնությունները, թե դրանց դեմ պայքարը հանրությանը չեն հետաքրքրում: Դրանց դեմ պայքարողները այլ առիթներով հանդես են գալիս Հայաստան-Ռուսաստան, հայ-ռուսական կապեր ամրապնդման տեսանկյունից:

Ուղղակիորեն բնականաբար խուսափում են ասել, որ եվրոպական արժեքները անպետք են և պետք է դավանել ռուսական արժեքներ, որովհետև այդպիսիք առանձին վերցրած չկան: Բացի այդ հայի ավանդական լեքսիկոնում ռուսականն այդքան էլ ավանդականի հետ չի ասոցացվում, այդ իսկ պատճառով այդ խաղը տարվում է երկու առանձին ճակատներով: ՛

Իրականում իրավիճակը ցույց է տալիս երկու բան: Նախ ՝ ոչ եվրոպական, ոչ ռուսական քարոզչական հնարքները Հայաստանում լայն շերտերին չեն հետաքրքրում: Երկրորդ ՝ թե այդ նախաձեռնության հեղինակները, թե դրա դեմ պայքարողները ելնում են ոչ թե ինքնաբուխ կամ հանրային դրդապատճառներից, այլ բացառապես քաղաքական: Եվ այս պարագայում ակտիվանում են տարբեր դեսպանատներից սնվող ծաղրածուները: Պարզապես մի դեպքում ծաղրածուները ունեն քաղաքակիրթ դիմակ, մյուս դեպքում ՝ չունեն:

Սարգիս Մեսրոպյան