«Բացահայտիր Հայաստանը երկնքից»

 Երևանի ծննդյան օրն ու հաջորդող երկու օրերին մայրաքաղաքի երկնքում կտեսնենք օդապարիկներ Հոկտեմբերի 14-17-ը Երևանում առաջին անգամ կանկացվի օդագնացության միջազգային փառատոն, որը կազմակերպել են Երևանի քաղաքապետարանը և «Skyball» ընկերությունը:: Միջոցառումը կիրականացվի «Էրեբունի-Երևան 2799» ծրագրի շրջանակում և կկրի «Բացահայտիր Հայաստանը երկնքից» խորագիրը:

Փատառոնի բացումը տեղի կունենա հոկտեմբերի 14-ին՝ ժամը 15:30-ին, Հանրապետության հրապարակում: Ինչպես հայտնում է Past.am-ը,Երևանի քաղաքապետարանի աշխատակազմի արտաքին ձևավորման և գովազդի վարչության պետ Արազ Բաղդասարյանը և «Skyball» ընկերության տնօրեն Նաիրի Բարսեղյանը լրագրողներին ներկայացրել են փառատոնի հետ կապված մանրամասներ: Արազ Բաղդասարյանը տեղեկացրեց, որ երևանյան տոնական միջոցառումների հարուստ ցանկում ներառված այս նորամուծությունն իսկական նվեր կլինի երևանցիների և մայրաքաղաքի հյուրերի համար: Նա հավելեց. «Մասնավորապես, այս պահի դրությամբ Ռուսաստանից, Բուլղարիայից, Բելառուսից և Լիտվայից ժամանած մասնակիցները 14 օդապարիկներով թռիչքներ կկատարեն Երևանի երկնքում և վայրէջք կկատարեն Երևանի վարչական սահմաններից դուրս: Մենք Երեւանի ծննդյան օրը ցանկանում ենք մեր մայրաքաղաքը ցույց տալ երկնքից, քանի որ Երեւանը երկնքից եւս շատ լավ տեսք ունի»: «Skyball» ընկերության տնօրեն Նաիրի Բարսեղյանը հայտնեց, որ թիմերի համար օդում նախատեսված են որոշակի առաջադրանքներ: Նրա խոսքով՝ առավելությունը կտրվի այն թիմերին, որոնց օդապարիկները երկնքում ավելի երկար կմնան:

Հարցին՝ ովքե՞ր կկարողանան թռչել օդապարիկով, բանախոսը պատասխանեց. «Օդապարիկով հոկտեմբերի 14-ին իրավունք կունենան թռչել միայն լրատվամիջոցների նկարահանող խմբերը, ովքեր հնարավորություն կունենան 1.5 ժամվա թռիչքի ընթացքում նկարահանել մայրաքաղաքը երկնքից: Իսկ մայրաքաղաքի բնակիչներն ու հյուրերը, սակայն, հնարավորություն կունենան օդապարիկով երկինք բարձրանալ հոկտեմբերի 15-ին՝ մասնակցելով եւ հաղթելով Հանրապետության հրապարակում անցկացվելիք մրցույթներին» Ձեզ ենք ներկայացնում փառատոնի բացման և հաջորդող օրերի համար նախատեսված է միջոցառոմների ժամանակացույցը. Հոկտեմբերի 14 15:30. Հանրապետության հրապարակ. փառատոնի պաշտոնական բացումը: 16:40. Օդապարիկները նախապատրաստումը թռիչքի: 17:00. Թռիչք Երևանի երկնքում՝ 1,5 ժամ տևողությամբ:

Հոկտեմբերի 15 07:00. Հանրապետության հրապարակ կամ Ազատության հրապարակ (կախված եղանակային պայմաններից). մեկնարկ և օդապարիկների միաժամանակյա թռիչք Երևանի երկնքում: 17:00. Հանրապետության հրապարակ. թռիչքներ և երաժշտական ծրագիր: 19:00. Օդապարիկների՝ լուսավորությամբ ուղեկցվող շոու: Հոկտեմբերի 16, 17 Թռիչքներ Գառնու և Ապարանի ջրամբարի հարակից տարածքերում` կախված եղանակային պայմաններից:

Նշենք, որ փառատոնի կազմակերպիչները այն ցանկանում են դարձնել ավանդական և ավելի շատ մասնակիցներով: