Լոնդոնում տեղի կունենա բոնդապատումի նոր ֆիլմի՝ «Սպեկտր»-ի համաշխարհային պրեմիերան

Լոնդոնում կկայանա «Սպեկտր» ֆիլմի համաշխարհային պրեմիերան, որը պատմում Է բրիտանական հետախուզության սուպերգործակալ Ջեյմս Բոնդի արկածների մասին:

Ժապավենի ստեղծման վրա աշխատած ստեղծագործական կոլեկտիվի մեծարման հանդիսավոր արարողությունը, ինչպես նաեւ կինոնկարի պիեմիերային ցուցադրումը տեղի կունենան Թագավորական Ալբերտ-հոլլում, որտեղ կհավաքվեն «գործակալ 007»-ի դերակատար Դենիել Քրեյգը, աստղային դերասանական կազմից նրա գործընկերներ Քրիստոֆեր Վալցը եւ Մոնիկա Բելուչին, ռեժիսոր Սեմ Մենդեսը, պրոդյուսերներ Մայքլ ՈՒիլսոնը եւ Բարբարա Բրոքոլին: Արարողության հյուրերի թվում կլինեն նաեւ ոչ քիչ նշանավոր անձինք: Մասնավորապես սպասվում Է, որ Ալբերտ-հոլլ կժամանեն բրիտանական գահի ժառանգոր դների հերթում երկրորդը՝ արքայազն ՈՒիլյամը, նրա տիկինը՝ Քեմբրիջի դքսուհի Քեյթը, եւ նրա կրտսեր եղբայրը՝ արքայազն Հարրին:

Նոր կինոնկարի նկարահանումները՝ Metro-Goldwyn-Mayer Pictures եւ Columbia Pictures հոլիվուդյան կինոստուդիաների մասնակցությամբ, իրականացվել են Մեծ Բրիտանիայի, Իտալիայի, Ավստրիայի, Մեքսիկայի եւ Մարոկոյի ամենագեղեցիկ վայրերում:

Մենդեսի համար դա կլինի Բոնդի մասին արդեն երկրորդ ֆիլմը, իսկ Քրեյգի համար՝ չորրորդը, եւ բացառված չԷ՝ վերջինը: Համենայն դեպս, Time Out հանդեսին տված հարցազրույցում բրիտանացի դերասանը հայտարարել Է, որ իր համար ավելի դյուրին կլինի «կտրել երակները, քան Բոնդին մարմնավորել հինգերորդ անգամ», հաղորդել Է ՏԱՍՍ-ը: