Ո՞ւմ են պատկանում ամենագեղեցիկ հոլիվուդյան ժպիտները (լուսանկարներ)

Հայտնի հոգեբան Դեյլ Քարնեգին կարծում էր, որ ժպիտը գրավիչ իմիջ ստանալու հիմնական բաղադրիչն է: «Հոլիվուդյան ժպիտը» կայուն արտահայտություն է, որը սկսեց շրջանառվել 20-րդ դարի 50-ականներին:

Դրանք պարզապես գեղեցիկ ատամներ չեն, սակայն ընդհանուր առմամբ այդ արտահայտությամբ նկատի է առնվում դրական, էներգետիկ առումով ճիշտ, անկաշկանդ ու հաջողակ երևալու կարողությունը:

Past.am-ը հղում անելով ELLE-ին ընտրել է ամենականոնիկ մոդելներին, ում հոլիվուդյան ժպիտները ամենահամոզիչ իլյուստրացիան են այդ թեմայով:

Համաձայն Opinion Research Corporation for Crest SpinBrush-ի՝ ամեագեղեցիկ հոլիվուդյան ժպիտն ունեցել է 20-րդ դարի գլխավոր շիկահեր Մերիլին Մոնրոն:

Ջուլիա Ռոբերթսը առաջին մեծության աստղ դարձավ «Սիրունիկը» ֆիլմից հետո, հատկապես մարդկանց գրավեց նրա անմիջական ծիծաղը: Հենց ծիծաղը դարձավ դերասանուհու ֆիրմային գիծը:

Լեգենդար երգչուհի Ուիթնի Հյուսթոնը պատմության մեջ մնաց նաև որպես անկեղծ ու բաց մարդ: Անգամ նրա կյանքի ծանր տարիներին Հյուսթոնի դեմքից չէր իջնում ձյունաճերմակ ժպիտը:

Դերասանուհի Մեգան Ֆոքսը հիանալի ժպիտ ունի ու դեմքի իդեալական գծեր:

Կատակերգակ դերասանուհի Քեմերոն Դիասի ֆիրմային գիծն է լայն ժպիտը:

Հոլի Բերին ունի կանացի խարիզմա, ճառագայող հայացք ու անկեղծ ժպիտ:

Հոլիվուդյան դերասաններից էտալոնային ժպիտ ունի Բրեդ Փիթը՝ վստահ, միաժամանակ՝ զուսպ:

Մեթյու Մակ-Քոնահիի ժպիտը «Օսկար» ստանալուց հետո դարձավ զուսպ ու մռայլ: