Կարճ հոգեբանական թեստ. ականջ դրեք ձեր ներքին ձայնին

Ականջ դրեք ձեր ներքին ձայնին եւ ջանացեք պատասխանել այն հարցին, թե ամենից շատ ինչ եք սիրում: Ա) վարունգ կամ լոլիկ Б) սեխ կամ ձմերուկ

Վարունգ եւ սեխ

Նման ընտրությունն ավելի բնորոշ է տղամարդկանց, քան կանանց: Այս տեսակի տղամարդիկ առնական են եւ լուրջ: Նրանք հազվադեպ են ազդեցության տակ ընկնում եւ ենթակա չեն հարբեցողության: Նրանց թվում շատ մարզիկներ եւ ճանապարհորդությունների սիրահարներ կան: Նման տղամարդու կողքին կինն իրեն կզգա ինչպես քարե պատի հետեւում. նրա պատասխանատվությունը կտարածվի նաեւ ընտանեկան հարաբերությունների վրա: Նման տղամարդիկ նպատակասլաց են եւ հեշտորեն հասնում են նախանշված նպատակին: Բայց այս տեսակը նաեւ թերություններ ունի. «վարունգա-սեխային» տղամարդուն պակասում է ռոմանտիզմը, դրա համար էլ եթե կինը նրանից ծաղիկներ է սպասում, ավելի լավ է ոչ թե սպասի, այլ թափանցիկ ակնարկի, որ կուզեր ծաղկեփունջ նվեր ստանալ: Այս տեսակի կանայք ղեկավար են դառնում, բայց ընտանեկան կյանքում երեխայի պես անպաշտպան են. վատ են ճաշ պատրաստում, չեն կարողանում ճիշտ բաշխել բյուջեն, չեն սիրում լվացք անել ու աման լվանալ: Սակայն հանձին այդ կնոջ տղամարդը կգտնի հավատարիմ եւ սիրող ընկերոջ: 

Լոլիկ եւ ձմերուկ

«Լոլիկա-ձմերուկային» մարդիկ ուրախ են եւ ակտիվ: Նրանք աչքի են ընկնում մեծ շփվողականությամբ, բայց շփման մեջ միատեսակ չեն. նրանց բնավորության պայթյունավտանգությունը հաճախ սկանդալների պատճառ է դառնում: Այս տեսակի տղամարդիկ համադամասեր են: Նրանք ալարկոտ են եւ հողաթափերն ու խալաթը նախընտրում են ուսապարկին ու քնապարկին: «Լոլիկա-ձմերուկային» տեսակի կանայք հուզական են, սիրում են կենդանիների եւ տնական օջախը, նրանց կողքին միշտ ջերմություն ու հարմարավետություն ես զգում: Նրանք ինտրիգներ հյուսել չգիտեն, բայց կարող են անպատշաճ որեւէ բան անել, որովհետեւ ասում են այն, ինչ մտածում են. անկեղծությունն ու աննենգամտությունը «լոլիկա-ձմերուկային» մարդկանց գլխավոր հատկանիշն է:

Վարունգ ու ձմերուկ

Նման խառնվածքի մարդիկ անընդհատ հոգեկան խռովք են զգում: Նրանց արտաքին հանգստությունն ու զսպվածությունն իրենց մեջ ներքին լարում են թաքցնում: Նման տղամարդկանց մասին ասում են, որ «մարմանդ լճում սատանաներն են ապրում»: «Վարունգա-ձմերուկային» մարդու հետ ապրում ես, ինչպես հրաբխի վրա. երբեք չգիտես, թե հիմա ինչ կա նրա մտքում: «Վարունգա-ձմերուկային» կանայք չնչին բաների համար սկանդալ չեն սարքում. նրանք կուտակում են վիրավորանքը ու մի գեղեցիկ օր պատրաստ են ջարդել տան ամբողջ սպասքը, հաճախ՝ խեղճ ամուսնու գլխին: «Վարունգա-ձմերուկային» մարդիկ ամենաստեղծագործական տեսակն են: Նրանք կարողանում են մտածել, նրանց մեջ հաճախ են գիտնականներ եւ գյուտարարներ պատահում: Մյուս կողմից, եթե Օստապ Բենդերն անցներ այդ թեստը, նա հավանաբար «վարունգա-ձմերուկային» մարդկանց ճամբարում հայտնվեր:

Լոլիկ եւ սեխ

Եթե ձեզ համար հարազատ են հենց այս պտուղները, դուք հավասարակշռված եք, պատշաճավոր, հանգիստ: Դուք ներքին զսպանակ եւ զգայականություն ունեք: Դուք սիրում եք գեղեցիկ բաներ եւ հրաշալի ճաշակ ունեք: «Լոլիկա-սեխային» տղամարդիկ մի քիչ կանացի են: Նրանք հաճախ նկարիչ են դառնում, երաժիշտ, մի խոսքով՝ արվեստն ամենից ավելի հարազատ է այս մարդկանց: Այս տեսակի կանայք սիրահարվող են, տպավորվող, սիրո մեջ կրքոտ են ու կայուն: «Լոլիկա-սեխային» կանայք նվիրված, քնքուշ եւ հոգատար կին են դառնում: Իսկ այս տեսակին պատկանող տղամարդիկ կարող են ինքնահավան եսասեր լինել: 

P.S. Լավագույն ամուսնությունները կնքվում են. 
«վարունգ-սեխ» տղամարդու եւ «վարունգ-ձմերուկ» կնոջ միջեւ,
«լոլիկ-սեխ» տղամարդու եւ «վարունգ-սեխ» կնոջ միջեւ,
«վարունգ-ձմերուկ» տղամարդու եւ «լոլիկ-ձմերուկ» կնոջ միջեւ,
«լոլիկ-ձմերուկ» տղամարդու եւ «լոլիկ-սեխ» կնոջ միջեւ:

 

NEWS.am STYLE