Բաստուրման հատեց 10 հազար դրամի սահմանը. տոներին ընդառաջ ի՞նչ արժի տոնական սեղանի մթերքը

Նոր տարվա տոնական օրերին դեռ երկու ամիս ժամանակ կա: Սովորաբար տոն օրերին առաջին սպառման մթերքները մեր երկրում թանկանում են: «Հայկական Ժամանակն»  արձանագրել է Նոր տարվա տոնական սեղանի համար ավանդաբար անհրաժեշտ մթերքների այսօրվա գները: 

Ստորեւ ներկայացված գները ձեւավորվել են տարբեր խանութներ կատարած մեր շրջայցի ժամանակ:

Մսամթերք

Հավի կրծքամսի 1 կիլոգրամն արժե 2570 դրամ, ամբողջական հավի 1 կգ-ն 1560 դրամից է սկսվում: Տավարի ոսկորով միսն արժե 2890 դրամ, տավարի ֆիլեն՝ 3350 դրամ, տավարի փափուկ միսն արժե 3650 դրամ: Խոզի մատներն արժեն 3540 դրամ, խոզի չալաղաջի գինն այսօր 3740 դրամ է:

Երշիկեղեն

Բժշկական երշիկներն սկսվում են 1կգ-ը 1500 դրամից, ապխտած երշիկները հետեւյալ գներն ունեն. «Բեկոն»՝ սկսած 800 դրամից մինչեւ 2110 դրամ ( մեկ հատը՝  200 գրամանոց քաշով ), Պիկանտ՝ 2520 դրամ (հատը), Մայա Սեմյա՝ 1460 դրամ (հատը): Բաստուրմա՝ 1 կգ-ը սկսվում է 10 հազար 500 դրամից, սուջուխը՝ 5 հազար դրամից մինչեւ 6600 դրամ:

Միրգ-բանջարեղեն

Մեկ կիլոգրամ բանան արժե 630 դրամ, նարինջը՝  565 դրամ, մանդարինը՝  570 դրամ, նուռը՝ 1030 դրամ, դեղձը՝  790 դրամ, կիտրոնը՝  840, արքայանարինջը (կարալյոկ)՝ 620 դրամ, սերկեւիլը՝ 1100 դրամ, կանաչ խնձորը՝ 1450դրամ, տեղական գոլդեն խնձորը՝ 450 դրամ, խաղողը՝ 760 դրամ:

Կանաչի

Կանաչ սոխի մեկ կապն այսօր արժեր 130 դրամ,  մաղադանոսինը՝ 110 դրամ, սամիթը՝ 90 դրամ, համեմը՝ 90 դրամ, խառը կանաչու մեկ կապը՝ 110 դրամ էր: Բողկը՝ 100 դրամ, հայկական պոմիդոր՝ 700 դրամ, վարունգ սկսած 370 դրամից, սմբուկ՝ 590 դրամ:

Ընդեղեն

Ընկույզի միջուկի գինը շուկայում սկսվում էր 1 կիլոգրամը 4500 դրամից, իսկ խանութներում ամենաբարձր գինը 7 հազար դրամն է: Նուշի 1 կիլոգրամը սկսվում է 7 հազար դրամից, պնդուկը՝ 8 հազար դրամից, իսկ հնդկական ընկույզը 10500 դրամից: Չրերը հետեւյալ գներն ունեն՝ թթու լավաշի գինը սկսվում է 1500 դրամից (150 գրամը),  սուջուխ կարելի է գնել 1600 դրամից սկսած (300 գրամը), ծիրանի չիրը՝ 500 գրամը կսվսում է 3 հազար դրամից, չամիչի 0.5 կգ-ը սկսվում է 2000 դրամից:

Կոնֆետներ

«Գրանդ քենդի»-ի Թռչնի կաթ տեսակի կոնֆետների 1 կգ-ն արժե 2700 դրամ, Զեֆիր տեսակի կոնֆետի 1 կգ-ն արժե 2500 դրամ, ֆանտազիան՝ 3200 դրամ, Սկյուռիկը՝ 4200 դրամ:

Պահածոյացված մթերք, կաթնամթերք, ձու

Մարինացված վարունգ 730 դրամ (700 գրամը), մարինացված բամիա 800 դրամ (720 գրամը): Տոմատ 570 դրամ (550 գրամը), թթվասեր 470-500 դրամ (400 գրամը), ձիթապտուղ 1040 դրամ (500 գրամը), խտացրած կաթ՝ 370-600 դրամ, ձվի մեկ հատն արժե 60-ից 70 դրամ: