Հարյուրավոր փրկված կյանքեր. Քըրք Քըրքորյանի իրական ժառանգությունը

Մեծագույն հայ մարդասեր, առավել հայտնի հայ գործարար ու Լաս Վեգասի թագավոր Քըրք Քըրքորյանը մահացել է հունիսի 15-ին Լոս Անջելեսում, 98 տարեկան հասակում, բնական պատճառներով: Այս մասին Վաշինգթոնում NEWS.am-ի թղթակցի հետ զրույցում նշել է գործարարի մամուլի քարտուղար Թոմ Ջոնսոնը:

Ամերիկայի հայկական համագումարի գործադիր տնօրեն Բրայան Արդունու խոսքով, Քըրքորյանի բարեգործությունը չէր սահմանափակվում մեկ ծրագրով, ոչ էլ նույնիսկ մեկ երկրով: Նա իսկապես համաշխարհային մակարդակի մարդ էր, որի կյանքի ուղին ոգեշնչել է հայերի շատ սերունդների:

«Հայկական սփյուռքը երկրագնդի բոլոր անկյուններում օգտվել է Քըրք Քըրքորյանի աջակցությունից, եւ այսօր մենք բոլորս սգում ենք մեծ մարդու կորուստը»,-ասել է Արդունին:

Իր կողմից, Ամերիկայի Հայ դատի հանձնախմբի գործադիր տնօրեն Արամ Համբարյանը նույնպես ընդգծել է Քըրք Քըրքորյանի բացառիկ դերը հայկական սփյուռքի պահպանման գործում:

«Նրա աջակցությունը կարեւորագույն դեր է խաղացել հայ համայնքների պահպանման գործում ոչ միայն ԱՄՆ-ում, այլեւ Մերձավոր Արեւելքում եւ ողջ աշխարհում»,-նշել է Համբարյանը: Նա հիշեցրել է, որ 1989 թվականից Քըրքորյանը ստեղծել է Լինսի հիմնադրամը՝ օգնելու համար Սպիտակի երկրաշարժի զոհերին, իսկ ավելի ուշ՝ շրջափակման մեջ գտնվողն Հայաստանին: Հարյուրավոր կյանքեր են փրկվել Քըրք Քըրքորյանի շնորհիվ, որը մատակարարում էր այդքան անհրաժեշտ դեղորայքն ու բժշկական օգնությունը:

«Հայկական դպրոցների վերականգնում, ճանապարհների, մշակույթի օջախների կառուցում, աջակցություն կրթական ծրագրերի զարգացմանը, այս ամենն է հենց Քըրք Քըրքորյանի իրական ժառանգությունը, որով իրավունք ունենք հպարտանալու մենք բոլորս»,-ընդգծել է Համբարյանը: