Արարատի մարզում իրականացվում են ասֆալտապատման եւ հարդարման աշխատանքներ

ՀՀ կառավարության հրատապ ծրագրով Արարատի մարզին հատկացված 313 մլն 165 հազար դրամով սկսվել են Արտաշատ քաղաքի Արազի 15, 73, 3, 7, 9, 1, 11/1, Իսակովի 70, 72, 74, 72 ա բազմաբնակարան շենքերի բակերի բարեկարգման եւ ասֆալտապատման աշխատանքները: Շինարարական աշխատանքներ են մեկնարկել նաեւ Իսակով փողոցի թիվ 83, 105, Օրբելի փողոցի 91, 92 բնակելի շենքերը տանող ճանապարհÕ �երին եւ հարակից բակերում, ինչպես նաեւ Արտաշատ քաղաքի Աբովյան, Գոլեցյան փողոցներում, Այնթապ գյուղական համայնքի 10-րդ փողոցում:

«Արմենպրես»-ի թղթակցի հետ զրույցում մարզպետարանի աշխատակազմիտրանսպորտի եւ ճանապարհաշինության բաժնի պետ Արայիկ Պողոսյաննասաց, որ, բացի մարզկենտրոնում իրականացվող աշխատանքներից, ճանապարհների նորոգման աշխատանքներ են ընթանում նաեւ մարզի մյուս քաղաքներում: Վերանորոգվում է Մասիս քաղաքի հիվանդանոց տանող Մխիթար Հերացու փողոցը: Վեդի քաղաքում թիվ 15 շենքի մոտ կատարվում է Թումանյան փողոցի լայնացում: ՔաղÕ �քի Կասյան, Գայի, Արարատյան անցուղի փողոցներում, թիվ 2 դպրոցի մոտեցումների երթեւեկելի մասում շուտով կավարտվեն վերանորոգման աշխատանքները: Ընթացքի մեջ է նաեւ Ավշար-Նոյակերտ մարզային նշանակությամբ ավտոճանապարհի շինարարությունը: Պողոսյանն ասաց, որ վերանորոգվող փողոցների մեծ մասում շինարարական աշխատանքներ չեն իրականացվել տասնյակ տարիներ:

Ընդհանուր առմամբ, Արարատի մարզում 5,3 կմ ճանապարհահատվածում կատարվում է բարեկարգում, ասֆալտապատում: Աշխատանքներն իրականացնում են մրցույթում շահած երեք շինարարական կազմակերպությունները: Աշխատանքները, որ սկսվել են հոկտեմբերի սկզբին,  կավարտվեն պայմանագրով նշված ժամկետում: