Հրապարակվեց Սամվել Բաբայանի դատավճիռը

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում նոյեմբերի 28-ին տեղի ունեցավ Սամվել Բաբայանի և մյուսների գործով վերջին դատական նիստը, տեղեկացնում է Past.am-ը:

Դատավոր Արշակ Վարդանյանի նախագահությամբ ընթացող նիստի ավարտին ներկայացվեց դատարանի վճիռը: Ըստ այդմ՝ Սամվել Բաբայանը մեղավոր ճանաչվեց  ՀՀ քրեական օրենսգրքի 38-235-րդ հոդվածի 2-րդ մասով ու 190-րդ հոդվածի 1-ին մասով և դատապարտվեց  6 տարվա ազատազրկման:

Արմեն Պողոսյանը մեղավոր ճանաչվեց ՀՀ քրեական օրենսգրքի  235-րդ հոդվածի  2-րդ մասով, և դատապարտվեց 2 տարի ժամկետով ազատազրկման, իսկ ամբաստանյալ Կարեն Քոչարյանը` ՀՀ քրեական օրենսգրքի  38-190-րդ հոդվածի  1-ին մասով և  դատապարտվեց 2 տարի 6 ամիս ժամկետով ազատազրկման:

Անդրանիկ Քոչարյանը մեղավոր ճանաչվեց  ՀՀ  քրեական օրենսգրքի  38-190-րդ հոդվածի 1-ին մասով, և դատապարտվեց ազատազրկման 2 տարի ժամկետով: Նրա նկատմամբ պատիժը պայմանականորեն չի կիրառվի  և փորձաշրջան կսահմանվի:

Դավիթ Հարությունյանը մեղավոր ճանաչվեց ՀՀ քրեական օրենսգրքի 38-190-րդ հոդվածի 1-ին մասով, և դատապարտվեց ազատազրկման 2 տարի ժամկետով: Նրա նկատմամբ նույնպես պատիժը պայմանականորեն չի կիրառվի  և կսահմանվի  փորձաշրջան:

Երրորդ անձը, ում հանդեպ կրկին պատիժը պայմանականորեն չի կիրառվիև կսահմանվի փորձաշրջան Ժորա Զաքարյանն էր: Նրան դատարանը մեղավոր ճանաչեց ՀՀ քրեական օրենսգրքի 38-190-րդ հոդվածի 1-ին մասով և դատապարտեց 2 տարվա ազատազրկման: