Քաղցկեղ առաջացնող մթերքները

Life.panorama.am-ը գրում է.

Ռաֆինացված շաքար և օշարակով գազավորված ըմպելիքներ

Ռաֆինացված շաքարը, գիտնականների կարծիքով, խթանում է չարորակ բջիջների աճը:

Նրանք դա բացատրում են ֆրուկտոզային օշարակով, որը հեշտությամբ կլանվում է քաղցկեղային բջիջների պատերի կողմից:

Այսպիսով՝ թխվածքները, օշարակով գազավորված ըմպելիքները քաղցկեղածին մթերքներ են համարվում:

Ապխտած, թթու դրած և մարինացված մթերքներ

Այսպիսի մթերքները պարունակում են բազմաթիվ նիտրատներ, որոնք վերածվում են նիտրոզոդիմեթիլանիլինի:

Այդ նյութն, իր հերթին, զգալիորեն բարձրացնում է քաղցկեղային հիվանդությունների հավանականությունը:

Ֆերմայում աճեցված սաղմոն

Սաղմոնի զգալի մասն աճեցվում է հատուկ ֆերմաներում, որտեղ դրանց կերակրում են քիմիական նյութերով, հակաբիոտիկներով և այլ քաղցկեղածիններով հարուստ կերով:

Վերլուծության համաձայն՝ արհեստական սաղմոնի մսում առկա են մեծ քանակությամբ պոլիքլորացված բիֆենիլներ և սնդիկ:

Ռաֆինացված արևածաղկի ձեթ

Այլ կերպ ասած՝ բուսական ձեթերը, որոնցից հեռացնում են անցանկալի հոտերը և ներկում են:

Բացի այդ՝ դրանցում մեծ քանակությամբ Օմեգա-6 ճարպաթթուներ են առկա, որոնք առողջության հետ բազմաթիվ խնդիրներ են առաջացնում:

Պահածոյացված լոլիկներ

Ինչպես հայտնի է, լիկոպինը, որով հարուստ են լոլիկները, իրենից ներկայացնում է ուժեղ հակաօքսիդանտ:

Սակայն լոլիկը մետաղական տարաներում պահածոյացնելու դեպքում՝ քիմիական նյութերը ոչնչացնում են լիկոպինը և նույնիսկ խթանում են  քաղցկեղի առաջացմանը:

Մայոնեզ և կետչուպ

Մայոնեզը և կետչուպը պարունակում են բազմաթիվ էմուլգանտներ, կայունացուցիչներ, կոնսերվանտներ, տրանսճարպեր, քացախ և շաքար, որոնք կարող են խթանել քաղցկեղի առաջացումը: