Հայ պաշտոնյաներից ով ում խնամին է. լուսանկարներ

Wnews.am-ը գրում է.

Հարուստն ամուսնանում է հարուստի հետ, պաշտոնյայի զավակը մեկ այլ պաշտոնյայի զավակի հետ. ճիշտ է, սա օրինաչափություն չէ, սակայն տարածված երեւույթ է։

Հայ պաշտոնյաներից շատերը իրար խնամիներ են. շատ դեպքերում քաղաքականության մեջ նրանք հակառակ բեւեռներում են գործում։

Wnews.am-ը ներկայացնում է խնամի պաշտոնյաներին։

Վարչապետ Հովիկ Աբրահամյանի ու ՀԱՕԿ նախագահ Գագիկ Ծառուկյանի խնամիական կապի մասին գիտեն բոլորը։ Հաճախ այս հանգամանքը շահարկվում է նրանցից երկուսի դեմ։

Հովիկ Աբրահամյանի որդի, Արտաշատի քաղաքապետ Արգամ Աբրահամյանն ամուսնացած է Գագիկ Ծառուկյանի դստեր Էմմայի հետ։

Լուսանկարում Էմմա Ծառուկյանը, Արգամ Աբրահամյանը, նրանց դուստրը, վարչապետի կինն ու վարչապետն են։

Վարչապետի կինը, թոռնուհին եւ Արգամ Աբրահամյանը

Գագիկ Ծառուկյանը խնամի է նաեւ պատգամավոր Մուրադ Գուլոյանի հետ. վերջինիս որդի՝ Աբովյանի նախկին քաղաքապետ՝ այժմ Կոտայքի մարզպետ Կարեն Գուլոյանն ամուսնացած է Գագիկ Ծառուկյանի մյուս դստեր հետ։

Կարապետ Գուլոյանը

Գագիկ Ծառուկյանը խնամիական կապի մեջ է նաեւ Ուկրաինայում Հայաստանի դեսպան Անդրանիկ Մանուկյանի հետ։ Վերջինիս որդին ամուսնացել է Գագիկ Ծառուկյանի դստեր հետ։

Անդրանիկ Մանուկյանն ու Գագիկ Ծառուկյանը

Մյուս խնամիական զույգը ՀՀԿ-ական պատգամավոր Սամվել Ալեքսանյանն ու պատգամավոր Գրիգորի Մարգարյանն են (Բելաջիոյի Գրիշ)։

Վերջինիս դուստրն ամուսնացած է Սամվել Ալեքսանյանի եղբորորդու հետ։

Սամվել Ալեքսանյանի քույրն էլ պատգամավոր Կորյուն Նահապետյանի կինն է։

Կորյուն Նահապետյանը

ՍԴ նախագահ Գագիկ Հարությունյանի աներորդին ՀՀ նախագահ Սերժ Սարգսյանի դստեր ամուսինն է։

 

ՀՀ երկրորդ նախագահ Ռոբերտ Քոչարյանի ավագ որդին` Սեդրակ Քոչարյանն ամուսնացել է ԱԺ պատգամավոր Վոլոդյա Բադալյանի դստեր հետ:

 

Սեդրակ Քոչարյանն ու Զարուհի Բադալյանը

ԱԺ պատգամավոր Կարեն Կարապետյանի որդին ամուսնացել է ՀՀ սփյուռքի նախարար Հրանուշ Հակոբյանի քրոջ դստեր հետ:

ՀՀ քննչական կոմիտեի նախագահ Աղվան Վարդանյանի որդին ամուսնացել է ԱԺ պատգամավոր Գարեգին Նուշիկյանի դստեր հետ:

ՀՀԿ խմբակցության ղեկավար, կուսակցության փոխնախագահ Գալուստ Սահակյանի կինը ՀՀԿ-ական պատգամավոր Աշոտ Աղաբաբյանի քույրն է:

Աշոտ Աղաբաբյանի ընտանիքը