Աշնանն ուզում ես պարուրել քեզ ջերմությամբ ու հարմարավետությամբ: Մեզանից յուրաքանչյուրը պատկերացնում է աշնանային երեկոն տանը՝ մի բաժակ տաք շոկոլադով և փափուկ հարմարավետ հագուստով: Այսպիսի ցանկություններ այցելում են նաև դիզայներներին , թերևս այդ պատճառով էլ աշնանային հավաքածուներում գերիշխում է հարմարավետությունը, փափուկ ու տաք կտորները:
Wnews.am-ը ներկայացնում է այս սեզոնի ամենաթրենդային կտորներից մեկը՝ տրիկոտաժը, որը ներառված է գրեթե բոլոր դիզայներների ցուցադրություններում:
Տաք, փափուկ Sweater-ը արդեն մի քանի սեզոն է նորաձև են: Նորաձև է ինչպես լայն, երկար այնպես էլ՝ կարճ, մինչև գոտկատեղը հասնող sweater-ները: 
Տաք, փափուկ զգեստ. Գործած տաք զգեստները՝ յուրաքանչյուր երկարությամբ և գույնի, այս սեզոնի թրենդներից են: Ցուցադրություններում հատկապես շատ են մոխրագույն, շագանակագույն և սպիտակ գույնի զգեստները:
Կարդիգան. Isabel Marant, Polo Ralph Lauren, A. Detacher, Michael Kors իրենց ցուցադրություններում ընդգրկել են տաք, փափուկ կարդիգանների բազմազանություն: Դրանք կարող են լինել յուրաքանչյուր գույնի՝ չեզոք մոխրագույնից, մինչև բալագույն: 
Պոնչո. տաք , փափուկ և բազմագույն պոնչոներն այս սեզոնի գլխավոր թրենդներից են: Այստեղ ևս դիզայներներն առաջարկում են գույների և ձևերի բազմազանություն: 
