Տնօրենը ո՛չ հաստատեց, ո՛չ հերքեց, որ քրեականները հանգրվանել են Ա. Բաղդասարյանի հյուրանոցում. «Իրավունք»

«Իրավունք» օրաթերթը գրում է.

 

«Անցյալ տարեվերջին շրջանառվեց տեղեկություն, որ 2017թ. դեկտեմբերի 18-ին, օրենքով գող Արմեն Հարությունյանի` Արմեն Կանևսկոյի մահվան 7-րդ տարելիցին մասնակցելու նպատակով Հայաստան են ժամանել բազմաթիվ քրեական հեղինակություններ, օրենքով գողեր աշխարհի տարբեր երկրներից:

Արմեն Կանևսկոյը Ռուսաստանի Կրասնոդարի մարզի ամենաազդեցիկ հեղինակություններից էր, և նրա մահվան տարելիցին ամեն տարի տարբեր երկրներից քրեական հեղինակություններ են ժամանում Հայաստան` այցելելով Երևանում գտնվող նրա գերեզմանին:

Մեր տեղեկություններով` Հայաստան ժամանած քրեական հեղինակությունները հանգրվանել են «Հայկական վերածնունդ» կուսակցության նախագահ Արթուր Բաղդասարյանին պատկանող «Իմպերիալ Պալաս» հյուրանոցային համարում: Եթե այդպես է, ապա ինչո՞ւ են հենց այդ հյուրանոցը ընտրել. նման բաներ պատահական չեն կարող լինել:

Տեղեկությունը ստուգելու համար դիմեցինք «Իմպերիալ Պալաս» հյուրանոցային համալիրի տնօրեն Տիգրան Սանասարյանին, ով մեզ հետ զրույցում ասաց.

- Ո՛չ կարող եմ հերքել, ո՛չ հաստատել Ձեր տեղեկությունը:

-Ինչո՞ւ:

- Որովհետեւ մենք մեր հյուրանոցում հանգրվանած անձանցից չենք հետաքրքրվում նրանց ով լինելու մասին: Նման իրավունք էլ չունենք: Այլ բան է, եթե պաշտոնական այցելություններ են, որոնք նախապես գրանցվում են:

- Ուզում եք ասել, որ անգամ եթե քրեական հեղինակություններ են եկել Ձեզ մոտ, Դուք կարող էիք դա չիմանա՞լ:

- Այո, մեր հյուրանոցում կարող են հանգրվանել տարբեր մարդիկ: 

 

Մնացած մանրամասները՝ օրաթերթի այսօրվա համարում: