Ծնելիության ցուցանիշները նվազել են

 

2017-ին Հայաստանում գրանցվել է 37 699 ծնունդ: Այս մասին past.am-ը տեղեկացավ Ազգային վիճակագրական ծառայությունից:

2017-ին ծնելիության ցուցանիշը նախորդ տարվա համեմատ 2893-ով պակաս է: 2016 թվականին գրանցվել է 40 592 երեխա: Անցյալ տարվա ծնելիության ցուցանիշը 9, 7 %-ով ավելի քիչ է, քան 2015-ին: Այդ տարի 41 763 երեխա է ծնվել:

 Տղաները կրկին գերազանցում են աղջիկներին: 2017-ին ծնված տղաների թիվը 1799-ով ավելի է, քան աղջիկների թիվը: Նախորդ տարի ծնվել է 17 950 աղջիկ և 19 749 տղա:

2016-ին ծնված տղաների թիվը 2298-ով է գերազանցել աղջիկների թիվը. ծնվել է 19 147 աղջիկ և 21 445  տղա:

Ազգային վիճագրական ծառայությունը ներկայացրել է նաև Հայաստանում նորածիններին տրված ամենատարածված անուները:

 Ցուցակի առաջատարները Նարե և Դավիթ անուններն են: 2017-ին մեր հանրապետությունում ծնվել է 1148 Դավիթ և 712 Նարե:

 Աղջիկների ամենատարածված անունների ցանկում են Մարիա (677), Մարի (586), Մանե (541) և Անի (456), Մարիամ (434) անունները: Տղաների ամենատարածված անունների ցանկում են ներառվել Նարեկ (1 057), Տիգրան (617), Հայկ (570), Ալեքս (517), Մարկ (487) անունները:

 

Ընդհանուր առմամբ, Հայաստանում 2017 թվականին ծնվել է 17950 աղջիկ (2016-ին`19179) ու 19 749 տղա (2016-ին` 21 459):

 

Նշենք նաև, որ տարվա ընթացքում ամենաշատ թվով երեխա ծնվել է հոկտեմբերին, ամենաքիչը` փետրվարին` 2591:

 

Օրինակ՝ Շիրակի մարզում հունվարին ավելի քիչ երեխաներ են ծնվել, քան նախորդ տարեվերջի ամսվա ընթացքում: 2017-ի դեկտեմբերին 285 ծնունդ է գրանցվել: Իգական սեռի ներկայացուցիչների թիվն ավել է եղել՝ 150 աղջիկ և 135 տղա: Հունվարին այստեղ 249 փոքրիկ է լույս աշխարհ եկել՝ 124 տղա և 125 աղջիկ:

Ամենամեծ թվով  ծնունդները Ախուրյանի Մոր և մանկան կենտրոնում են գրանցվել՝ 96 երեխա: