Կոնյակից ու շոկոլադից մինչև «փուչիկի պոչեր». Սպիտակի քաղաքապետարանի գնումները

Լոռու մարզի Սպիտակ համայնքը Ֆինանսների նախարարության պետական գնումների համակարգում ներկայացրել է 2018 թվականի գնումների պլանը:

Past.am-ը գնումների պլանից տեղեկացավ, որ 2018թ. Սպիտակի համայնքապետարանը նախատեսում է 320 000  ՀՀ դրամ արժողությամբ մեկ հեռուստացույց գնել:
Բանակցային ընթացակարգ՝ առանց գնումների հայտարարությունը նախապես հրապարակելու (ԲԸԱՀ) գնման ընթացակարգով համայնքը գրասենյակային նյութերի և ծաղիկների վրա կծախսի 100 000 ՀՀ դրամ: Նվերների և պարգևների համար ևս 100 000 ՀՀ դրամ է նախատեսվել:

Վերոնշյալ ընթացակարգով ծաղիկներ գնելու համար կծախսվի 300 000 ՀՀ դրամ:
Շիրակի համայնքապետարանը նախատեսում է նաև 4700 ՀՀ դրամ արժողությամբ 67 տուփ շոկոլադե կոնֆետների ընտրանի գնել: Նշված շոկոլադե կոնֆետները գնելու համար կծախսվի 314 900 ՀՀ դրամ:

«Արարատ հինգ աստղ» 63 հատ կոնյակ կգնվի՝ յուրաքանչյուրը 5900 ՀՀ դրամ: Կոնյակների համար գնումների պլանում 371 700 ՀՀ դրամ է նախատեսվել:

ԲԸԱՀ գնման ընթացակարգով կգնվեն նաև 5000 ՀՀ դրամ արժողությամբ 21 ծաղկային կոմպոզիցիա, որոնք ձեռք բերելու համար կծախսվի 105 000 ՀՀ դրամ: Նույն ընթացակարգով կգնվեն նաև 20 ծաղկային կոմպոզիցիաներ՝ այս անգամ, սակայն, 4500 ՀՀ դրամ արժեքով: Այս ծաղկային կոմպոզիցիաները գնելու համար կծախսվի 90 000 ՀՀ դրամ:

Գնումների պլանում են նաև ծաղկեպսակները, որոնցից յուրաքանչյուրի գինը 25 000 ՀՀ դրամ է: 8 ծաղկեպսակ գնելու համար գնումների պլանում 200 000 ՀՀ դրամ է հատկացվել:
Ընթացիկ տարվա գնումների պլանում տեղ են գտել նաև հուշանվերները:

Նախատեսվում է 4500 դրամ արժողությամբ 30 հատ հուշանվեր գնել, որոնք ձեռք բերելու համար ընդհանուր առմամբ կծախսվի 135 000 ՀՀ դրամ: Բացի այդ՝ 70 հազար դրամ կծախսվի 7000 ՀՀ դրամ արժողությամբ հուշանվերներ գնելու համար:

Գնման պլանում են նաև տարբեր գներ ունեցող եռագույն դրոշները:
200 հատ 150 դրամ արժողությամբ դրոշ կգնվի, որոնք գնելու համար կծախսվի 30 հազար դրամ:
Մյուս խմբաքանակն ավելի թանկ է՝ յուրաքանչյուրի արժեքը 4500 դրամ է: Այս խմբաքականակից կգնվի 20 հատ և ընդհանուր առմամբ կծախսվի 90 000 դրամ:

Գնումների պլանում են նաև փուչիկները, ինչպես նաև՝ փուչիկի պոչերը: 500 փուչիկ գնելու համար կծախսվի 45 հազար դրամ: 800 հատ փուչիկի պոչ գնելու համար կծախսվի 40 000 դրամ:

Աննա Բադալյան