Դավթյանը վաճառել է մեքենան, վարկ վերցրել ու փոխառություններ հանձնել

ՀՀ բնապահպանության նախարարության ջրային ռեսուրսների կառավարման գործակալության պետ Վահան Դավթյանը նախորդ տարի 4 միլիոն դրամով վաճառել է իրեն պատկանող «TOYOTA COROLLA 1.8» մակնիշի ավտոմեքենան, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված 2017 թ. տարեկան հայտարարագրից:

Նախորդ տարվա ընթացքում Դավթյանն ավելացրել է իր փոխառությունների չափը: Տարեսկզբին նա հայտարարագրել էր 5 միլիոն 874 հազար դրամ փոխառություններ, իսկ արդեն տարեվերջին՝ 9 միլիոն 988 հազար դրամ: Դրամական միջոցները 2017 թ. վերջին կազմել են 8 միլիոն դրամ, 4 հազար ամերիկյան դոլար և 2100 եվրո:

Տարեկան եկամուտները կազմել են 13 միլիոն 228 հազար դրամ, որից 4 միլիոն 700 հազար դրամը աշխատավարձն է, 4 միլիոն դրամը մեքենայի վաճառքից ստացված գումարը, 4 միլիոն 113 հազար դրամը ստացված փոխառություններն են, 360 հազար դրամը նշված է որպես այլ եկամուտներ, իսկ մնացած գումարն էլ տրված փոխառությունների դիմաց ստացված տոկոսն է:

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ

Այս թեմայով Պաշտոնյայի կինը 30 միլիոն դրամով առանձնատուն է գնել 211 հազար դոլար դրամական միջոցներ, ավելի քան 50 միլիոն դրամ եկամուտներ. Անրի Վարդանյանի հայտարարագիրը Էթիկայի հանձնաժողովի անդամը 30 միլիոնով բնակարան է գնել Յոլյանի դստերը 370 հազար դոլար են նվիրել Փոլադյան ընտանիքի անշարժ գույքը համալրվեց ևս մեկով