Դեղ արտադրողների ու ներկրողների դժգոհության պատճառներն անհասկանալի են

Հայաստանի դեղ արտադրողների և ներմուծողների միության նախագահ Սամվել Զաքարյանը լրագրողների հետ հանդիպման ժամանակ ասել է, որ Առողջապահության նախարարությունն իրականությունից կտրված  և մասնավոր հատվածի՝ դեղ արտադրողների, դեղատների հետ հաշվի չի նստում: Նրա վրդովմունքի պատճառը դեղերի դեղատոմսով բաց թողնելու նոր կարգն էր: Նա տեսակետ է հայտնել, թե Վրաստանին հարստացնելու պրոցեսը գնալով զարգանում է:

«Արդեն տարիներ շարունակ ահազանգում ենք, որ դեղերի 40 տոկոսը «կոնտրաբանդայի» ձևով բերվում է Վրաստանից, որովհետև այնտեղ 20 տոկոս ԱԱՀ չկա և 2-3 անգամ էժան է: Ամեն մի տաքսիստ, ամեն մի տուրիստ մտնում դեղեր է առնում և գալիս է Հայաստան»,- ասել է Ս. Զաքարյանը:

Նա նաև նշել է, որ պարբերաբար առաջարկում են կառավարությանը Հայաստանում դեղերի վրա կիրառվող 20 տոկոս ԱԱՀ-ն հանել, սակայն, ըստ նրա, հարցը մնում է օդում կախված:

Հիշեցնենք, որ օրերս ՊԵԿ նախագահի առաջին տեղակալ Վախթանգ Միրումյանը լրագրողների հետ հանդիպման ժամանակ ասել էր, որ նոր «Հարկային օրենսգրքով»  ԱԱՀ-ն ոչ միայն ներկրողներին է վերադարձվելու, այլև բոլոր տնտեսվարողներին:
Ենթադրաբար, դա վերաբերում է նաև դեղատներին: Այսինքն, եթե դեղ վաճառողին էլ, որպես տնտեսական գործունեություն ծավալողի, այսուհետ վերադարձվելու է ԱԱՀ-ն, ապա ստացվում է, որ սպառողների կողմից գնավծ դեղի կամ այլ ապրանքի ԱԱՀ-ն հետ գալով՝ ցանկացած տնտեսվարող դառնում է մի կլորիկ գումարի տեր: Ասել է թե, սպառողների կողմից վճարված ԱԱՀ-ն գումարվում, բազմապատկվում և ետ է վերադառնում տնտեսվարողի մոտ:

Եվ այս պարագայում, դեղեր վաճառողները փոխանակ ուրախանան, դեռ մի բան էլ դժգոհում են, որ այստեղ ինչ-որ բան այն չէ: Այսինքն, դեղ արտադրողների ու ներկրողների դժգոհության պատճառները կարող են անբարեխիղճ տնտեսվարողները լինել, ոչ թե նոր ներդրվող կարգերը և այս պարագայում հասկանալի է, թե ինչը կարող է մարդկանց մղել դեպի վրացական շուկա: Մնում է հասկանալ, թե իրականում որն է դեղատների ու դեղ արտադրողները դժգոհության պատճառը:

Արմինե Գրիգորյան
Past.am

Այս թեմայով Փոփոխություններ «Դեղերի մասին» օրենքում. առաքման, դեղապահովման հարցեր Գումար պոկելու նոր մեթոդ «Դեղերի մասին» նոր օրենքի տեսքով Առաքելական Հայաստան. «Пешком» ծրագրի հերթական թողարկումը Բացառիկ հարցազրույց. ռուս գիտնականը՝ հայերի մասին Ես շատ զարմացա, երբ իմացա ողջ ճշմարտությունը Հնդկաստանի դաժանությունների մասին. Պարզվում է՝ հնդիկները այն չեն ինչ իրենց ներկայացնում են ֆիլմերում