Ամուսիններով մոտ 10 միլիոն դրամի եկամուտ են ունեցել

ՀՀ ԱՆ քրեակատարողական վարչության կադրերի և անձնակազմի հետ տարվող աշխատանքների բաժնի պետի տեղակալ Գայանե Գինոսյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ 2017 թ. տարեկան հայտարարագիրը:

Հայտարարագրից տեղեկանում ենք, որ Գինոսյանը նախորդ տարի 6 հազար ԱՄՆ դոլարով գնել է «NISSAN JUKE 1.6 T» մակնիշի ավտոմեքենա: Նախորդ տարվա ընթացքում ունեցել է նաև փոխառություններ, որոնք տարեվերջին կազմել են 21 հազար ամերիկյան դոլար:

Դրամական միջոցները նախորդ տարի գրեթե չեն փոփոխվել և տարեվերջին կազմել են 5 միլիոն դրամ, 11 հազար ԱՄՆ դոլար ու 1500 եվրո, իսկ տարեկան եկամուտները՝ 5 միլիոն 143 հազար դրամ ու ստացվել երկու աշխատավարձերից:

Ամուսինը՝ Մուշեղ Ղազարյանը, նույնպես ներկայացրել է տարեկան հայտարարագիր, ըստ որի՝ տարեկան եկամուտները կազմել են 4 միլիոն 535 հազար դրամ, որից 3 միլիոն 835 հազար դրամը աշխատավարձն է, 200 հազար դրամը ստացված փոխառություններ, իսկ 500 հազար դրամն էլ՝ գույքը օտարելուց ստացված եկամուտ:

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ
Past.am

Այս թեմայով Պաշտոնյայի կինը 30 միլիոն դրամով առանձնատուն է գնել 211 հազար դոլար դրամական միջոցներ, ավելի քան 50 միլիոն դրամ եկամուտներ. Անրի Վարդանյանի հայտարարագիրը Էթիկայի հանձնաժողովի անդամը 30 միլիոնով բնակարան է գնել Յոլյանի դստերը 370 հազար դոլար են նվիրել Փոլադյան ընտանիքի անշարժ գույքը համալրվեց ևս մեկով