10 պատմական լուսանկարներ, որոնցում պատկերված են մարդկության պատմության ամենամութ էջերը

Երբեմն մեկ լուսանկարը կարող է փոխարինել հազարավոր բառերի:
Այս լուսանկարները ժամանակին տարածվել են ողջ աշխարհում, սակայն դա դրանցում պատկերված իրադարձությունները չի դարձնում պակաս սարսափելի:

Բոլոր լուսանկարները ներծծված են սարսափի մթնոլորտով ու պետք է հիշեցնեն մարդկությանն այն մասին, որ նման բան կարող է կրկնվել:

Past.am-ը ներկայացնում է 10 պատմական լուսանկարներ, որոնցում պատկերված են մարդկության պատմության ամենամութ էջերը:

1. Շանհայցի երեխան

Չին-ճապոնական 1937թ. կռվի ժամանակ ճապոնական ռմբակոծիչը սխալմամբ հարվածեց Շանհայի քաղաքային կայարանին, որտեղ այդ ժամանակ կար 1800 խաղաղ բնակիչ: Լուսանկարում պատկերված է փոքրիկ տղա, ում փրկարարները դուրս են բերել փլատակների տակից: Անօգնական երեխայի լուսանկարը՝ ավերածությունների ֆոնին, բացասական ալիք առաջացրեց Ճապոնիայի նկատմամբ: Լուսանկարիչը ստիպված եղավ հեռանալ Հոնգկոնգ, քանի որ ճապոնացիները նրա գլխի համար պարգև էին հայտարարել:

2. Արտասվող տղա զինվորը

16-ամյա Հանս-Գեորգ Հենկեի լուսանկարն է հիտլերյուգենդից: Լուսանկարն արվել է 1945թ. մայիսին, երբ ակնհայտ էր, որ Գերմանիան կապիտուլյացիայի է ենթարկվելու: Տղայի աչքերում հուսահատություն է:

3. Իսպանկայի բռնկումը

1918թ. իսպանական գրիպի համաճարակին զոհ գնաց ավելի քան 100 մլն մարդ: Թիվը 6 անգամ գերազանցում էր 1-ին համաշխարհային պատերազմի զոհերի քանակը:
Լուսանկարում դիմակ հագած մարդիկ բեյսբոլ են խաղում: Այդ ժամանակ դիմակներով շրջում էին բառացիորեն բոլորը:

4. Ատլանտյան ստրկավաճառությունը

Բրազիլիան վերջին երկիրն էր, որտեղ արգելվեց ստրկավաճառությունը: Դա տեղի ունեցավ 1853թ.: Լուսանկարում երջանիկ պահ է՝ ստրկավաճառության վերցված մարդկանց ազատումը:

5. Փրկություն բեռլինյան պատի պատճառով

Լուսանկարում պատկերված է պարեկը, որը հսկում է պատը, ինչպես նաև փոքրիկ երեխա, որը ցանկանում է հայտնվել Բեռլինի արևմտյան մասում գտնվող ծնողների հետ: Զինվորը, վտանգը անտեսելով, օգնում է երեխային անցնել սահմանը:

Ցավոք, հրապարակված լուսանկարի պատճառով զինվորին ազատում են ծառայությունից, ու նրա հետագա ճակատագիրն անհայտ է:

6. Ուիլյամ Սոնդերսի լուսանկարները

19-րդ դարում Արևմուտքում ընդունված էր ասիացիներին նկարագրել որպես վայրենիների: Բրիտանացի լուսանկարիչ Ուիլյամ Սոնդերսը, եվ 1850-ին այցելել էր Չինաստան, բեմադրել էր մահապատժի տեսարան՝ գլխատման միջոցով: Նման բեմադրություններ նա բազմիս է արել՝ ամրապնդելով Արևմուտքի բացասական վերաբերմունքը:

7. Անտարբերություն մահվան նկատմամբ

Ուկրաինական Գոլոդոմորը 1930-ականներին սարսափելի ողբերգություն էր: Սովից Ուկրաինայում մահացավ ավելի քան 4 մլն մարդ: Լուսանկարն արվել է Խարկովում 1933-ին:

8. Մոնղոլուհին

Փայտե վանդակներում տեղադրում էին հանցանք գործած մարդկանց՝ նրանց ի ցույց դնելով մոնղոլական շուկաներում: Դժբախտներին չէին կերակրում, անցորդները կարող էին ծաղրել ու վիրավորել նրանց: Լուսանկարն արվել է 1913-ին:

9. Նագասակի եղբայրները

Լուսանկարի հեղինակն ամերիկացի ծովային հետևակ Ջոն Օ'Դոննելն է, արվել է Նագասակիի ռմբակոծությունից հետո: Լուսանկարի փոքր երեխան մահացած է, իսկ ավագ եղբայրը նրան բերել է դիակիզարան: Ավագ եղբայրը կանգնել ու նայում էր, թե ինչպես են այրում եղբորը: Նա չլացեց, միայն արյունոտվելու աստիճան կծում էր շուրթերը: Տղան հենց նոր ամեն ինչ կորցրել էր ատոմային ռմբակոծությունից հետո, սակայն ոտաբոբիկ բերել էր եղբորը՝ նրան արժանապատվորեն թաղելու համար:

10. Եղբայրական գերեզման

Մինչ Բերգեն-Բելզենի համակենտրոնացման ճամբարի ազատումը 1945 թվականին, նացիստները սպանել էին 50 հազար մարդու: 

Լուսանկարում անթիվ զոհերի մեջտեղում կանգնած մարդը ճամբարի բժիշկ Ֆրից Կլյայն է, ով 1945թ. դեկտեմբերին կախաղան հանվեց զանգվածային սպանությունների մեղադրանքով: