Օսկար-2018. լավագույն ֆիլմ՝ «Ջրի ձևը»

ՄՇԱԿՈՒՅԹ 5 Մարտ, 2018 9:57

Լոս Անջելեսում տեղի ունեցավ «Օսկար» կինոմրցանակի պարգեւատրման 90-րդ արարողությունը: Արարողությունը, ինչպես հայտնում է Past.am-ը, կայացավ «Դոլբի» թատրոնում:

Ռեժիսոր Գիլիերմո դել Տորոյի «Ջրի ձևը» կինոնկարը մարտի 4-ին «Օսկարի» գլխավոր մրցանակն ստացավ ԱՄՆ-ի կինոարվեստների ակադեմիայի թվով 90-րդ մրցանակաբաշխությանը: Հոլիվուդյան «Դոլբի« թատրոնից ուղիղ հեռարձակումը վարում Էր ABC հեռուստաալիքը:

«Ջրի ձևը» ներկայացնում Է գաղտնի լաբորատորիայում աշխատող համր կնոջ եւ երկկենցաղ մարդու սիրո ֆանտաստիկ պատմությունը: Ավելի վաղ այն արժանացել Էր Ամերիկայի պրոդյուսերների գիլդիայի մրցանակին: Դերասանական կազմում տեղ են գտել Սալլի Հոքինսը, Մայքլ Շենոնը, Ռիչարդ Ջենքինսը, Օկտավիա Սփենսերը:

Այս անվանակարգում հաղթողներին հայտարարել են դերասաններ Ուորեն Բիթին եւ Ֆեյ Դանաուեյը, որոնք դարձել Էին անցյալ տարվա մրցանակաբաշխության սկանդալի մասնակիցները: Այն ժամանակ նրանք նույնպես պետք Է հայտարարեին լավագույնը ճանաչված կինոնկարը, բայց ստացել Էին ոչ այն ծրարը:

«Օսկարի» համար պայքարում էին՝

«Անվանիր ինձ քո անունով»

«Մութ ժամանակներ»

«Դյունկերկ»

«Հեռու գնա»

«Լեդի Բյորդ»

«Անտեսանելի թել»

«Գաղտնի դոսյե»

«Երեք բիլբորդ Էբինգի սահմանին, Միսուրի»: