Հայաստանի տնտեսական աճի համեստ ցուցանիշները պայմանավորված են ԵՄ-ի և ՌԴ-ի տնտեսական զարգացումներով

 Հաջորդ տարվա համար Հայաստանի տնտեսական աճի համեստ ցուցանիշները պայմանավարված են հիմնականում արտաքին գործոններով՝ ԵՄ-ում և ՌԴ-ում տիրող տնտեսական զարգացումների կանխատեսումներով: Այս մասին Ազգային ժողովի մշտական հանձնաժողովների համատեղ նիստում ՀՀ 2016թ. պետական բյուջեի նախագծի քննարկման ժամանակ այս մասին ասաց ՀՀ ֆինանսների նախարարի առաջին տեղակալ Պավել Սաֆարյանը՝ պատասխանելով Õ �ԱԿ խմբակցության պատգամավոր Հրանտ Բագրատյանի հարցին:

«Ռուսաստանի Դաշնությունը և Եվրոպական Միությունը մեր հիմնական գործընկերներն են, և, եթե նրանց մոտ տնտեսական վիճակը լավ չէ, մեզ մոտ ուղղակի լավ լինել չի կարող: Հայաստանի տնտեսական աճի վերաբերյալ մեր կանխատեսումները օդից չեն վերցված: Այս գնահատականներն արվել են՝ նաև հաշվի առնելով Ռուսաստանում և Եվրամիությունում տնտեսական աճի վերաբերյալ կանխատեսումները»,-  ընդգծեց Սաֆարյանը:

Նա նշեց, որ ԵՄ-ն 2016թ. համար կանխատեսում է 2.1 տոկոս տնտեսական աճ, իսկ ՌԴ-ն տնտեսական աճի համար երեք սցենար ունի՝ կապված տարբեր գործոնների հետ, որոնցից որևէ մեկը Հայաստանի համար դրական ոչինչ չի խոստանում: «Հենց այս գործոնները հաշվի առնելով՝ մենք նման համեստ կանխատեսում ունենք»,- ընդգծեց Սաֆարյանը:

Անդրադառնալով պատգամավորի առաջարկին, թե կարելի է տնտեսական աճի ավելի բարձր ցուցանիշ վերցնել՝ պետական բյուջեի տեսանկյունից, այսինքն՝ հարկերն ավելացնելու հաշվին՝ Պավել Սաֆարյանը նկատեց, որ դա ձեռնտու տարբերակ չէ: «Հարկերի բարձրացման հաշվին տնտեսական աճի ավելի բարձր ցուցանիշ վերցնելը կարող է ռիսկային լինել»,-ասաց փոխնախարարը:

Նախատեսված է, որ 2016թ. ՀՀ պետական բյուջեի մուտքերը կկազմեն 1 տրիլիոն 183 միլիարդ դրամ, ծախսերը՝ 1 տրիլիոն 373 միլիարդ դրամ և դեֆիցիտը՝ 190 միլիարդ դրամ: