Դեսպանն ու պարտատոմսերը

Նիդերլանդների Թագավորությունում ՀՀ արտակարգ և լիազոր դեսպան Ձյունիկ Աղաջանյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Հայտարարագիրը բավականին սեղմ է: Դրանից տեղեկանում ենք, որ Աղաջանյանը նախորդ տարվա սկզբին ունեցել է 11 միլիոն 504 հազար դրամի չափով պարտատոմսեր, որոնց տարվա ընթացքում ավելացել է ևս 25 միլիոն 935 հազար դրամի չափով պարտատոմս: Արդյունքում՝ տարեվերջին դեսպանը հայտարարագրել է 36 միլիոն 900 հազար դրամ պարտատոմսեր:

Դրամական միջոցները նախորդ տարվա վերջին կազմել են 1 միլիոն 42 հազար դրամ և 50 375 եվրո: Տարեսկզբին, իհարկե, եվրոն ավելի շատ է եղել՝ 75 հազար 709, իսկ դրամն ավելի քիչ՝ ընդամենը 11 հազար: Տարեկան եկամուտները ստացվել են միայն «չոր» աշխատավարձից ու կազմել 41 հազար 154 եվրո:

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ
Past.am

Այս թեմայով Պաշտոնյայի կինը 30 միլիոն դրամով առանձնատուն է գնել 211 հազար դոլար դրամական միջոցներ, ավելի քան 50 միլիոն դրամ եկամուտներ. Անրի Վարդանյանի հայտարարագիրը Էթիկայի հանձնաժողովի անդամը 30 միլիոնով բնակարան է գնել Յոլյանի դստերը 370 հազար դոլար են նվիրել Փոլադյան ընտանիքի անշարժ գույքը համալրվեց ևս մեկով