Կատարյալ մանիկյուրի 7 գաղտնիք

Յուրաքանչյուր կին երազում է, որ իր մանիկյուրը կատարյալ տեսք ունենա։ Ներկայացնում ենք մի քանի խորհուրդ, որոնց շնորհիվ ձեր եղունգները միշտ կունենան հրաշալի տեսք։

1. Պտտեք․ մի թափահարեք

Կա այն թյուր կարծիքը, որ լաքով սրվակը թափ տալը լավագույն եղանակն է քսելուն պատրաստելու համար, սակայն դա ճիշտ չէ։ Այդ մեթոդը հանգեցնում է անհավասարաչափ ծածկույթի, քանի որ լաքի մեջ առաջանում են թթվածնային պղպջակներ։ Դրա փոխարեն խորհուրդ է տրվում սրվակը պտտել ափերի մեջ՝ այն պահելով գլխիվայր։

2. Տեխնիկա

Սկսեք եղունգի մեջտեղով կատարած մեկ վստահ վրձնահարվածով։ Դրանից հետո ավելացրեք ևս մեկական շտրիխ՝ տարվաի երկու կողմերից, որպեսզի եղունգը պատվի ամբողջությամբ։ Մանիկյուրը «կնքեքելու» համար, վրձինն անցկացրեք եղունգի ամենածայրով, ինչը թույլ կտա ամրացնել լաքի կայունությունը։

3. Երկու շերտ

Մեկ շերտը կարող է եղունգն ամբողջությամբ չփակել, իսկ երեք շերտը կարող է չորանալ և եղունգների վրա անփույթ հետքեր թողնել։ Լաքի երկու շերտը՝ կատարյալ տարբերակն է։ Պարզապես համոզվեք, որ շերտերը բարակ են և դրանց չորանալու ժամանակ տվեք։

4. Խուսափեք որոշ բաղադրիչներից

Մասնագետները խորհուրդ են տալիս խուսափել այնպիսի բաղադրիչներից, ինչպիսիք են դիբուտիլֆտալատը, տոլուլը, ֆորմալդեգիդը, ֆորմալդեգիդային խեժերը և կամֆարը։ Դրանք վնասակար են օրգանիզմի համար, վնասում են եղունգի շերտը և գրգռում մաշկը։ Բարեբախտաբար շատ ապրանքանիշեր բացառել են այդ բաղադրիչներն իրենց բանադրատոմսերից։

5. Մի թրջեք ջրի մեջ

Չնայած, որ այս գործողությունը դասական է համարվում շատ գեղեցկության սրահներում, մասնագետները խորհուրդ են տալիս շրջանցել այն։ Թրջելուց հետո եղունգները փափկում են, և լաքը վատ է պահվում եղունգների վրա։ Առաջարկվում է մանիկյուրը քսել անմիջապես մաքուր, չոր եղունգների վրա։

6. Կլոր եղունգերն ամուր են

Ներկայումս նորաձև են եղունգների տարբեր ձևեր, սակայն փորձագետները նշում են, որ դասական, կլորացված ձևը եղունգերի ամրության գրավականն են։ Բնական ձևերի եղունգները դժվար են կոտրվում, քան, ասենք, գերսուր տեսքինները։

7. Բուժեք վերի շերտը

Տրամաբանական է, որ եղունգի վերին շերտն ամենաշատն է գտնվում լաքի բաղադրիչների ազդեցության տակ։ Եղունգների ամրացման համար առաջարկվում են տարբեր եղանակներ։ Տնային պայմաններում եղունգներն ամրացնել և սնուցել կարելի է ծովային աղի, կիտրոնի հյութի, զեյթունի ձեթի, խաղողի կամ դեղձի կորիզների յուղերի միջոցով։

Աղբյուր` LADYNEWS.am