Նախագահի խորհրդականը գույքի վաճառքից 13 միլիոն դրամ եկամուտ է ունեցել

ՀՀ Նախագահի գլխավոր խորհրդական Արամ Ղարիբյանը բարձրաստիճան պաշտոնատար անձանց էթիկայի հանձնաժողովին է ներկայացրել իր՝ 2017 թ. տարեկան հայտարարագիրը:

Նախագահի գլխավոր խորհրդականը նախորդ տարի ունեցել է 13 միլիոն 837 հազար դրամ արժողությամբ բաժնեմաս, որն օտարվել է տարվա ընթացքում: Ունեցել է փոխառություններ՝ 17 հազար ամերիկյան դոլար ու 12 հազար եվրո: Իսկ դրամական միջոցները կազմել են 20 միլիոն դրամ, 22 միլիոն ԱՄՆ դոլար ու 27 միլիոն եվրո: Տարեկան եկամուտներն էլ կազմել են 24 միլիոն 526 հազար դրամ, որից 9 միլիոն 795 հազար դրամը աշխատավարձն է, 13 միլիոն 837 հազար դրամը գույքի վաճառքից ստացված գումար, իսկ 893 հազար դրամն էլ փոխառություններից գոյացած տոկոս: Ի դեպ, Ղարիբյանի հայտարարագրում նշված չէ, թե ինչ է վաճառել նա:

Կինը՝ Մագդա Շահբազյանը, հայտարարագրել է միայն դրամական միջոցները, այն է՝ տարեսզկբին ունեցել է 5 միլիոն 500 հազար դրամ ու 14 հազար ԱՄՆ դոլար, իսկ տարեվերջին՝ 500 հազար դրամ ու 5 հազար դոլար:

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ

Այս թեմայով Պաշտոնյայի կինը 30 միլիոն դրամով առանձնատուն է գնել 211 հազար դոլար դրամական միջոցներ, ավելի քան 50 միլիոն դրամ եկամուտներ. Անրի Վարդանյանի հայտարարագիրը Էթիկայի հանձնաժողովի անդամը 30 միլիոնով բնակարան է գնել Յոլյանի դստերը 370 հազար դոլար են նվիրել Փոլադյան ընտանիքի անշարժ գույքը համալրվեց ևս մեկով