Վարդան Խաչատրյանի կինը վաճառելով հողամասը մոտ 70 միլիոնի եկամուտ է ունեցել

ՀՀ նախագահի խորհրդական Վարդան Խաչատրյանն ու կինը Բարձրաստիճան պաշտոնատար անձանց էթիկայի հանձնաժողովին են ներկայացրել 2017 թ. տարեկան հայտարարագրերը:

Խաչատրյանն ընդամենը հայտարարագրել է 1 միլիոն 256 հազար դրամ գումար իր բանկային հաշիվներին և 9 միլիոն 402 հազար դրամ եկամուտ, որ գոյացել է աշխատավարձից:

Կինը՝ Անահիտ Մանուկյանը, ամուսնուց ավելի հարուստ է, համենայն դեպս՝ ըստ հայտարարագրի: Նրա դրամական միջոցները նախորդ տարվա սկզբին կազմել են 36 միլիոն դրամ, իսկ տարեվերջին ավելացել են ավելի քան 2,5 անգամ՝ կազմելով 97 միլիոն դրամ: Սրանից բացի, նա վաճառել է իրեն պատկանող մի հողամաս 68 միլիոն 180 հազար դրամով: Տարեկան եկամուտներն էլ ստացվել են աշխատավարձից ու կազմել 1 միլիոն 700 հազար դրամ:

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ
Past.am

Այս թեմայով Պաշտոնյայի կինը 30 միլիոն դրամով առանձնատուն է գնել 211 հազար դոլար դրամական միջոցներ, ավելի քան 50 միլիոն դրամ եկամուտներ. Անրի Վարդանյանի հայտարարագիրը Էթիկայի հանձնաժողովի անդամը 30 միլիոնով բնակարան է գնել Յոլյանի դստերը 370 հազար դոլար են նվիրել Փոլադյան ընտանիքի անշարժ գույքը համալրվեց ևս մեկով