Ներդրումներ հանուն համընդհանուրի շահի

Գևորգ Մխիթարյանը ֆեյսբուքյան իր էջում գրում է՝

Տարբեր մակարդակներով բազմաթիվ անգամներ են խոսվել ներդրումներ ներգարվելու և դրանց համար հատուկ պայմաններ ստեղծելու խնդրի վերաբերյալ, սակայն ոչ միշտ է, երբ այն կյանքի է կոչվել:
Վերջին օրերին արդեն իսկ պարզ դարձավ, որ Գագիկ Ծառուկյանին պատկանող «Multi Group» կոնցեռնը, վերջին երեք տարիներին կատարել է ավելի քան 1 միլիարդ 200 միլիոն ԱՄՆ դոլարի ներդրում: Հատկանշական է այս ամենի մեջ այն փաստը, որ Ծառուկյանն իր գործունեության առանցքում դրել է համընդհանուրի շահը: 
Շատերը կհիշեն կոտրած տաշտակի առաջ հայտնված առևտրականներին, ովքեր օրվա հաց վաստակելու խնդրի առաջ էին կանգնել, երբ չունեին տարածք և հնարավորություն իրենց գործունեությունը ծավալելու համար: Այդ ժամանակ, բիզնես ոլորտի բոլոր առավելություններից ու թերություններից քաջատեղյակ Գագիկ Ծառուկյանը, մի կողմ դնելով անձնական շահը, առաջնորդվեց վերոնշյալ համընդհանուրի շահով և առևտրականներին տրամադրեց տարածք՝ բիզնեսը շարունակելու համար և հավելեց, որ առաջիկա 3 տարիներին տարածքի վարձավճարներ չի պահանջի, մինչև ՓՄՁ ներկայացուչիները ոտքի կկանգնեն: Փաստացի Գագիկ Ծառուկյանի ներդրման շնորհիվ այսօր բազմահազար առևտրականներ շարունակում են իրենց գործունեությունը: Ամենակարևորը սակայն այս պարագայում այն է, որ մարդասիրական, հայրենասիրական այս գործունեությունը շարունակական է և մոտ ապագայում արդեն իսկ կգործի հսկայական տարածքով ոսկու շուկա, որը գտնվում է Առինջ Մոլ առևտրի կոնտրոնի հարևանությամբ, որի տաղավարները ևս առաջիկա մեկ տարին կգործեն առանց վարձավճարների: 

Հետ հայացք նետելով, տեսնում ենք, որ «Multi Group»-ի կողմից իրականացված ներդրումները տարեց տարի ավելի են ընդլայնվել և ավելի շատ ոլորտներ են ներգրավել:Ինչն էլ խոսում է, այն փաստի մասին, որ կոնցեռնը հավատարիմ մնալով իր սկզբունքներին, շարունակում է իր գործունեության միջոցով զարկ տալ հայրենի տնտեսության զարգացմանը: