Գագիկ Ծառուկյանի կողմից իրականացվելիք ներդրումները տնտեսության նոր ճյուղեր կզարգացնեն Հայաստանում

Շավարշ Բզնունյանը ֆեյսբուքյան իր էջում գրում է՝

Գագիկ Ծառուկյանը վերջին 3 տարում Հայաստանում 1 միլիարդ 200 միլիոն դոլարի ներդրումներ է կատարել։ Այս թիվը աննախադեպ է այն առումով, որ առայսօր որևէ հայրենի գործարար նման հսկայական քանակով ներդրումներ չի կատարել Հայաստանում։ Այնինչ ցանկացած քաղաքացի գիտի, որ այսօր Հայաստանը իսկապես ներդրումների սուր կարիք ունի, քանի որ օրեցօր աճող աղքատությունն ու արտագաղթը ստիպում են օր առաջ քայլեր ձեռնարկել այդ ամենը կանխելու հյամար։
Եվ այսօր միակ գործիչը, ով այդ ուղղությամբ քայլեր է կատարում, Գագիկ Ծառուկյանն է։ Նրա ջանքերով ամեն տարի մի քանի նոր ընկերություններ են բացվում Հայաստանում, որոնք ՀՀ բնակչությանը ապահովում են նոր և մշտական աշխատատեղերով։ 
Ավելին, այդ ներդրումներ արվում են այնպիսի ոլորտում, որոնք միտված են ոչ թե այլ երկրների արտադրանքը ներմուծել Հայաստան, այլ հենց Հայաստանում խթանել արտադրությունը՝ այն արտերկիր արտահանելու համար։ Գագիկ Ծառուկյանի կողմից արվող ներդրումները միտված են նաև Հայաստանաում տնտեսության տեխնոլոգիական ճյուղերը զարգացնելուն, որոնք Հայաստանի տնտեսությունը կդարձնեն մրցունակ ամբողջ աշխարհում։
Այսօր Գագիկ Ծառուկյանի ջանքերով Հայաստանում ստեղծվում է նախադեպը չունեցող կրիպտոարժույթներ արտադրող ընկերություն, որը բարձր տեխնոլոգիական ոլորտ է և նորույթ Հայաստանի տնտեսության համար։ Ստեղծվում է նաև արևային էներգիայի համակարգեր արտարդող ընկերություն, որի արտադրանքի 80 տոկոսը արտահանվելու է ԱՄՆ և Կանադա։ Ստեղծվում է նաև աննախադեպ հսկայական ծավալի տեքստիլ արդյունաբերական քաղաք 1 միլիոն քառակուսի մետր տարածքի վրա, որտեղ տեղակայվելու են տրիկոտաժի արտադրության պրոցեսի բոլոր փուլերը՝ սկսած հումքի աճեցումից մինչև վերջնական արտադրանքի ստացումը։ Այս ընկերությունը ապահովելու է մինչև 5000 աշխատատեղ և նրա արտադրանքը նույնպես արտահանվելու է արտերկիր։
Այսպիսով Գագիկ Ծառուկյանը ներդրումների միջոցով ոչ միայն նոր աշխատատեղեր է բացում, ոչ միայն նպաստում է աղքատության և արտագաղթի կասեցմանը, այլ նաև զարգացնում է տնտեսության այնպիսի ճյուղեր, որոնք Հայաստանի համար ունեն երկարաժամկետ նշանակություն և տեսանելի ապագայում ավելի մրցունակ են դարձնելու ՀՀ տնտեսությունը այլ տնտեսությունների կողքին։