Գագիկ Ծառուկյանն իր գործունեությամբ խնդիրների լուծման ուղիներ է ցույց տալիս

Գարեգին Մկրտչյանը ֆեյսբուքյան իր էջում գրում է՝

 

Աղքատությունն ու արտագաղթը ցանկացած գործչի համար հրամայական են դարձնում Հայաստանի տնտեսության զարգացումը։ Սակայն եթե շատերը բավարարվում են միայն այդ մասին ճառեր և կենացներ ասելով, որոշ գործիչներ հստակ քայլեր են իրականացնում այդ ուղղությամբ՝ բացելով նոր ընկերություներ, ստեղծելով աշխատատեղեր։
Այդ գործիչներից մեկն էլ Գագիկ Ծառուկյանն է, որն իր երկար տարիների գործունեության ընթացքում մշտապես նպաստել է մարդկանց համար բարեկեցիկ կյանքի նոր պայմաններ ստեղծելով։ Բավական է միայն նշել, որ Գագիկ Ծառուկյանի՝ միայն վերջին 3 տարում կատարած ներդրումները աննախադեպ են իրենց ծավալով։ 1 միլիարդ 200 միլիոն դոլարի ներդրումներ Հայաստանի տնտեսության մեջ, հազարավոր նոր աշխատատեղեր, տնտեսության նոր ոլորտների զարգացում, նոր շունչ և ակտիվություն ՀՀ տնտեսությանը։ 
Այն, որ Հայաստանը այսօր ներդրումների խիստ կարիք ունի, հայտնի է բոլորին։ Այն, որ Հայաստանում էլի կան գործարարներ, որոնք կարող են ներդրումներ անել, նույնպես պարզ է։ Սակայն պարզ է նաև, որ նրանցից շատերը գերադասում են իրենց գումարը ներդնել արտասահմանյան երկրներում, և հայրենի տնտեսության վիճակը նրանց մեղմ ասած չի հուզում։ Սակայն Գագիկ Ծառուկյանը հենց այն գործիչներից է, ով մշտապես օրինակ է ծառայել մյուս գործարաներին՝ ներդրումներ կատարելով իր հայրենիքում, նպաստելով Հայաստանի տնտեսության զարգացմանը։
Վերջին տարիներին բազմաիթվ նոր ընկերություններ են բացվել Գագիկ Ծառուկյանի ջանքերով․ Փարավոն համալիր, Մուլտի Գրանդ հյուրանոցային համալիր, Մուլտի Վելնես սպոտային համալիր, Առինջ մոլ, Մուլտի Սոլար, Մուլտի Գոլդ, արդյունաբերեկան խոշոր քաղաքի կառուցում, որն իր մեջ ներառելու է 10-13 գործարան, կրիպտոարժույթի ատրադրությամբ զբաղվող տեխնոպարկի հիմնում, յուղի և բիտումի արտադրության գործարաններ և այլն։ 
Ցանկը կարելի է շարունակել, իսկ ասելիքը մեկն է․Գագիկ Ծառուկյանն այսօր որպես անհատ գործիչ իր ջանքերով կատարում է այնպիսի հսկայական աշխատանք, որը դժվար է անգամ պատկերացնել։ 
Իսկ մեր ցանկությունը մեկն է, որպեսզի Գագիկ Ծառուկյանի օրինակը վարակիչ լինի այլ գործարարների համար ևս։ Հայաստանը այսօր կարիք ունի ներդումների, իսկ հայաստանյան գործարարները պետք է ուղղորդվեն Գագիկ Ծառուկյանի օրինակով և ներդրումներ կատարեն հայրենիքում։ Որևէ օտար ներդրող չի գա Հայաստան, եթե չտեսնի հենց հայաստանյան գործարարների օրինակը, օտար ներդրողը չի գա այնպիսի երկիր, որտեղ անգամ տեղի գործարարները ներդրումներ չեն անում։ Այս առումով Գագիկ Ծառուկյանի գործունեությունը ոչ միայն օրինակ է հարենի գործարարների համար, այլ նաև ցուցիչ օտար ներդրողների համար, որ Հայաստանը այն երկիրն է, որի տնտեսությունում կարելի է և պետք է ներդրում կատարել։ Իսկ աշխատատեղ ունեցող քաղաքացին երբեք չի մտածի արտագաղթելու մասին, եթե կարողանա բարեկեցիկ կյանք ապահովել իր ընտանիքի համար։ 
Գագիկ Ծառուկյանն իր գործունեությամբ հենց այս խնդիրների լուծման ուղիներն է ցույց տալիս։