Քաղաքաշինության պետական կոմիտեն գրեթե մեկ միլիոնի մեդալ ու կրծքանշան կգնի

ՀՀ կառավարությանն առընթեր ՀՀ քաղաքաշինության պետական կոմիտեն Հայաստանի ֆինանսների նախարարության պետական գնումների համակարգում հրապարակել է 2018 թվականի գնումների պլանը՝ ապրիլի 16-ի դրությամբ:

Ըստ գնումների պլանի, ինչպես նախորդ տարի, այս տարի ևս Քաղաքաշինության պետական կոմիտեն պատրաստվում է մեդալներ ու կրծքանշաններ ձեռք բերել:
 Գնման գնանշման հարցում (ԳՀ) ընթացակարգով ձեռք կբերվի 3 մեդալ, կրծքանշան, որոնք գնելու համար կծախսվի 147 000 դրամ: Մեդալներից, կրծքանշաններից յուրաքանչյուրն արժե 49 000 դրամ:

Նույն ընթացակարգով ձեռք կբերվի այս անգամ արդեն 131 000 դրամ արժողությամբ 3 մեդալ, կրծքանշան, որոնք ձեռք բերելու համար կծախսվի 393 000 դրամ: Նույն ընթացակարգով և նույն արժողությամբ ձեռք կբերվի ևս 3 մեդալ, կրծքանշան: Ըստ ընդհանուր հաշվարկների՝ ստացվում է, որ ՀՀ քաղաքաշինության պետական կոմիտեն կրծքանշաններ և մեդալներ ձեռք բերելու համար կծախսի գրեթե մեկ միլիոն, ավելի կոնկրետ՝ 933 000 դրամ:

Աննա Բադալյան
Past.am

Այս թեմայով Շիրակի պետական համալսարանի ռեկտորը Սասուն Միքայելյանի դաբրոն ունի՞, որ հիմա էլ նամակ է գրում ապագա վարչապետին 250 հազար դրամ՝ նախագահականի կայքը Արմեն Սարգսյանին «համապատասխանեցնելու» համար Կոնֆետ ու թանկարժեք կահույք՝ Մեղրիի գնումների պլանում Խաչիկ Ստամբոլցյան. «Շարժման տարիներին անգամ գողերն են «գործադուլ» արել և բանտերից օգնություն ուղարկել» Միայն անցյալ տարի ՊՆ–ն 26 միլիոն դրամից ավելի բժշկական պարագաներ և դեղեր է գնել